कोपरगाव : नॅशनल इन्स्टिट्यूट्स ऑफ फार्मास्यिुटिकल एज्युकेशन अँड रिसर्च या संस्थेने बी. फार्मसीनंतर पदव्युत्तर पदवी शिक्षण घेण्यासाठी घेतलेल्या नाईपर - जेईई २०२१ या प्रवेश पात्रता परीक्षेचा निकाल जाहीर केला आहे. यात संजीवनी बी. फार्मसी महाविद्यालयाचे १० विद्यार्थी ऑल इंडिया रॅन्कमध्ये चमकले असून, महेश परसराम जावळे याने संपूर्ण भारतातून ५८वा रॅन्क मिळविला आहे, अशी माहिती संजीवनी ग्रुप ऑफ इन्स्टिट्यूट्सचे मॅनेजिंग ट्रस्टी अमित कोल्हे यांनी दिली आहे.
कोल्हे म्हणाले, नाईपर - जेईई प्रवेश पात्रता परीक्षेसाठी ३ जुलै, २०२१ला घेण्यात आलेल्या ऑनलाईन परीक्षेत देशातून ४,८०० विद्यार्थ्यांनी आपले नशीब आजमावले. यामध्ये संजीवनीचे १० विद्यार्थी परीक्षेसाठी पात्र ठरले. महेश जावळे, पवन कलन, सुरेश शिंदे, चेतन जानराव, शुभम कावरे, शैलेश मतसागर, वैभव लासुरे, क्रिष्णा धोर्डे, जय गागरे आणि कार्तिकी वानखेडकर या विद्यार्थ्यांनी यश मिळवले. भारत सरकारच्या नॅशनल इन्स्टिट्यूट्स ऑफ फार्मास्यिुटिकल एज्युकेशन अँड रिसर्च या संस्थेचे भारतात ८ महाविद्यालये आहेत. या महाविद्यालयांमध्ये नाईपर - जेईई प्रवेश परीक्षा उत्तीर्ण झालेल्या विद्यार्थ्यांना कौन्सिलिंग राउंडद्वारे एम. एस. (फार्मसी), एमबीए (फार्मसी), एम. टेक (फार्मसी) व एम. फार्मसी अशा अभ्यासक्रमांना प्रवेश मिळणार आहे. याचबरोबर प्रत्येकी १२,४०० प्रति महिना इतके स्टायपेंडही त्यांना मिळणार आहे.