रेमडेसिविर बारामतीत मिळतात, जामखेडमध्ये का नाही

जामखेड शहरातील नऊ खाजगी कोविड सेंटरला मंगळवारी राम शिंदे यांनी भेट दिली व त्यांच्या समस्या जाणून घेतल्या. पत्रकार परिषदेत शिंदे म्हणाले,

येथील लोकप्रतिनिधींनी प्रसिद्धी मिळवावी; पण स्वतः अर्थसाहाय्य करून प्रसिद्धी मिळवावी. सध्या कोरोना महामारीने जगात थैमान घातले आहे. डॉ. आरोळे कोविड सेंटर या ठिकाणी मोठ्या प्रमाणावर रुग्ण आहेत. प्रशासनाने येथील भार कमी करण्यासाठी तालुक्यातील खर्डा, अरणगाव व नान्नज येथील प्राथमिक आरोग्य केंद्रात कोविड सेंटर सुरू करून तेथील रुग्णांवर तेथेच उपचार करावेत.

खासगी कोविड सेंटरला भेट दिल्यावर येथील डॉक्टरांच्या मते बेड शिल्लक आहेत; पण प्रशासनाकडून ऑक्सिजन पुरवठा होत नाही. येथील अधिकारी, पदाधिकाऱ्यांच्या दबावाखाली काम करत आहेत. त्यामुळे उपचार करण्यामध्ये अनेक अडचणी निर्माण होत आहेत, अशी टीका राम शिंदे यांनी केली.