तळेगाव विद्यालयानजीक रस्त्यावर गतिरोधक टाका

तळेगाव दिघे : संगमनेर तालुक्यातील तळेगाव दिघेमार्गे असलेल्या लोणी ते नांदूरशिंगोटे रस्त्याचे डांबरीकरण काम करण्यात आल्याने या मार्गावरील रहदारी वाढली आहे. त्यामुळे तळेगाव दिघे चौफुली परिसरातून वाहने भरधाव वेगाने धावत असल्याने अपघाताचा धोका वाढला आहे. याच दरम्यान तळेगाव दिघे विद्यालय व प्राथमिक शाळा असल्याने नजीकच्या डांबरी रस्त्यावर गतिरोधक बसवावेत व शाळा असल्याबाबत दिशादर्शक फलक लावावेत, अशी मागणी छत्रपती प्रतिष्ठानचे कार्याध्यक्ष सचिन दिघे यांनी केली आहे.

तळेगाव दिघेमार्गे असलेल्या लोणी ते नांदूरशिंगोटे रस्त्याचे डांबरीकरण काम तळेगाव परिसरात नुकतेच करण्यात आले. त्यामुळे या डांबरी रस्त्यावरील वाहतूक मोठ्या प्रमाणात वाढली आहे. याच डांबरी रस्त्यानजीक न्यू इंग्लिश स्कूल व कनिष्ठ महाविद्यालय व जिल्हा परिषदेची प्राथमिक शाळा आहे. त्यामुळे शाळा भरण्यापूर्वी व शाळा सुटल्यानंतर या डांबरी रस्त्यावरून विद्यार्थ्यांची ये - जा सुरु असते. तळेगाव विद्यालय व प्राथमिक शाळेनजीकच्या रस्त्यावर गतिरोधक नसल्याने वाहने भरधाव वेगाने धावतात. त्यामुळे अपघातांचा धोका वाढला आहे. त्यामुळे संबंधित विभागाने तळेगाव दिघे विद्यालय व प्राथमिक शाळेनजीक डांबरी रस्त्यावर त्वरित गतिरोधक बसवावेत व नजीक शाळा असल्याबाबत दिशादर्शक फलक लावावेत, अशी मागणी छत्रपती प्रतिष्ठानचे कार्याध्यक्ष सचिन दिघे यांनी केली आहे.

..............................

अन्यथा आंदोलन

तळेगाव विद्यालय व प्राथमिक शाळेनजीक रस्त्यावर एखादा मोठा अपघात घडल्यास त्याला सबंधित विभाग जबाबदार असेल. याठिकाणी डांबरी रस्त्यावर त्वरित गतिरोधक बसवावेत अन्यथा आंदोलन छेडण्याचा इशाराही छत्रपती प्रतिष्ठानचे कार्याध्यक्ष सचिन दिघे यांनी दिला आहे.