ज्ञानेश्वरी रचना स्थानाच्या माहितीपटाचे प्रकाशन

नेवासा : श्रीक्षेत्र नेवासा येथील ज्ञानेश्वरी रचना स्थानावरील दृकश्राव्य स्वरूपातील माहितीपटाचे प्रकाशन प्रसिद्ध पैस खांबासमोर शिवाजी महाराज देशमुख यांनी संगणकाचे बटन दाबून केले.

या माहितीपटाचे संहिता लेखन, निवेदन आणि संपादन राहुल कुलकर्णी यांनी केले आहे. ज्ञानेश्वरांनी केलेला कर्मयोग, या रचना स्थानाचे ऐतिहासिक महत्त्व, पैस खांबाचे महत्त्व आणि ज्ञानेश्वरी ग्रंथाचा रचनेचा इतिहास या माहितीपटातून उलगडण्याचा प्रयत्न करण्यात आला आहे. राहुल कुलकर्णी यांनी गोदावरी काठावरील अनेक तीर्थस्थळांचे अभ्यासपूर्ण माहितीपट तयार केलेले आहेत. गोदा संस्कृती व प्रवरा संस्कृतीवर या माहितीपटाद्वारे प्रकाश पडणार आहे. संत ज्ञानेश्वरांची कर्मभूमी असलेल्या या ठिकाणाचा या माहितीपटाद्वारे यूट्यूब चॅनलवर सर्व जगभर प्रसार होणार असल्याबद्दल संस्थानतर्फे विश्वस्त शिवाजी महाराज देशमुख यांच्या हस्ते माहितीपट बनविणाऱ्या तिघांचाही सन्मान केला. यासाठी राजीव जाधव, दीपक बिरुटे आणि रामचंद्र बिरुटे यांनी छायाचित्रीकरण केले आहे. यावेळी ज्येष्ठ पत्रकार गुरुप्रसाद देशपांडे, नितीन कुलकर्णी, राजेश जगताप, आशिष कावरे, शिवाजी होन, भाऊराव सोमवंशी, राजीव जाधव उपस्थित होते.

070621\sant dyaneshwar mandir.jpg

नेवासा : ज्ञानेश्वरी रचना स्थानाच्या महितीपटाचे प्रकाशन करताना हभप शिवाजी महाराज देशमुख