घराचे कुलूप तोडून चोरले पैसे

दागिने, पैसे चोरले

अहमदनगर : श्रीगोंदा तालुक्यातील चिखली येथे चोरट्यांनी घरफोडी करून रोख रक्कम व सोन्याचे दागिने असा एकूण ६७ हजार रुपयांचा ऐवज चोरून नेला. १३ मार्च रोजी ही घटना घडली. याप्रकरणी ज्ञानेश्वर साहेबराव गाडेकर यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी हेडकाॅन्स्टेबल खेडकर हे पुढील तपास करत आहेत.

मोटारसायकल चोरली

अहमदनगर : पारनेर तालुक्यातील हंगा येथील राहत्या घरासमोरून चोरट्यांनी मोटारसायकल चोरून नेली. १० मार्च रोजी ही घटना घडली. याप्रकरणी निलेश कल्याण पवार यांनी सुपा पोलीस ठाण्यात दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे. याप्रकरणी पोलीस नाईक ओहोळ हे पुढील तपास करत आहेत.

चोरट्यांनी वायर चोरली

अहमदनगर : नगर तालुक्यातील हिवरे झरे येथे चोरट्यांनी वीजरोहित्राची तोडफोड करून कॉपर तार चोरून नेली. १२ मार्च रोजी ही घटना घडली. याप्रकरणी संजय शंकर मगदूम यांनी नगर तालुका पोलीस ठाण्यात दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी हेडकॉन्स्टेबल ससाणे हे पुढील तपास करत आहेत.