रांधे येथे खेळाडूंचा सन्मान

रांधे : राष्ट्रीय क्रॉस कन्ट्री स्पर्धेत महाराष्ट्राच्या वतीने १८ वयोगटांत करण संदीप गहांडुळे आणि १६ वयोगटांत साक्षी भंडारी यांनी सहभागी होऊन यश मिळविले. त्यांचा रांधे (ता.पारनेर) येथे ग्रामस्थांच्या वतीने सन्मान करण्यात आला.

चंदीगड येथे या स्पर्धा नुकत्याच पार पडल्या. स्पर्धेत करण गहांडुळे याने तृतीय तर साक्षी भंडारी हीने चतुर्थ क्रमांक मिळविला. या दोघांनाही प्रशिक्षक श्रीरामसेतू आवारी यांचे सहकार्य लाभले आहे. यांच्या यशात समीर शेख यांनीही महत्त्वाची भूमिका पार पाडली आहे. त्यामुळे या चौघांचाही ग्रामस्थांनी सन्मान केला. यावेळी डॉ.भास्कर शिरोळे, मेजर अशोक आवारी, अनिल रामचंद्र आवारी, युवासेना उपाध्यक्ष अजित आवारी, सुहास आवारी, रवी खैरे, युवा उद्योजक अनिल लक्ष्मण आवारी, विजय झिंजाड, नुराभाई कुरेशी, ग्रामस्थ, महिला उपस्थित होत्या.

---

२८ रांधे