खेळाडूंना सोयी-सुविधा निर्माण करण्याची पायाभरणी शहरात

वाडिया पार्क क्रीडा संकुल येथे महाराष्ट्र रायफल असोसिएशन आयोजित महाराष्ट्र एअर ॲण्ड फायर आर्म राज्यस्तरीय शूटिंग स्पर्धेचे उद्घाटनप्रसंगी आमदार जगताप बोलत होते. प्रभारी जिल्हा क्रीडा अधिकारी प्रकाश मोहारे यांच्या अध्यक्षतेखाली झालेल्या या कार्यक्रमासाठी डॉ. मरियम माजिद, राष्ट्रवादीचे शहर जिल्हाध्यक्ष प्रा. माणिक विधाते, अहमदनगर शूटिंग क्लबचे अध्यक्ष तथा उपरसपंच भारत काळे, उपाध्यक्षा सुनीता काळे, शशिकांत पाचारणे, सोसायटी चेअरमन सतीश काळे, क्रीडा अधिकारी दीपाली बोडखे, सहसचिव प्रवीण लिपणे, न्यायाधीश प्रवीण चुत्तर, एमआरए पंच विराज सेलेटकर, पंच छबूराव काळे, राष्ट्रवादी क्रीडा सेलचे घनश्याम सानप, सायकलिंग असोसिएशनचे संजय साठे, प्रशांत बागडे, सुशीलकुमार नागपुरे, संजय पाटेकर, राजश्री पाटील, फटांगरे, विठ्ठलप्रसाद तिवारी, संजय आगरकर, आदींसह खेळाडू व पालक उपस्थित होते.

पुढे जगताप म्हणाले की, एअर रायफल शूटिंग हा खेळ सध्या लोकप्रिय होत आहे. खेळाची आधुनिक साधनसामग्री व शूटिंग रेंज उपलब्ध नसल्याने खेळाडूंना मोठ्या शहरात जावे लागते. मात्र, सध्या शहरात या खेळाची व्यवस्था झाल्याने अनेक खेळाडू पुढे येऊन नॅशनल स्पर्धेपर्यंत मजल मारत आहेत. नेमबाजी करताना खेळाडूची मानसिक एकाग्रतादेखील वाढीस लागते.

प्रास्ताविकात भारत काळे यांनी शहरात पहिल्यांदाच राज्यस्तरीय शूटिंग स्पर्धा होत असून, या क्रीडा प्रकारात शहरासह ग्रामीण भागातील खेळाडू पुढे येत असल्याचे त्यांनी सांगितले. यावेळी अभिजित दळवी, धनंजय कारंडे, संजय आगरकर, कृष्णा काळे, भारत पवार, नितीन बोधले, राहुल कदम, अलीम शेख, ऋषिकेश दरंदले, आदी उपस्थित होते. वीणा पाटील यांनी सूत्रसंचालन केले. छबूराव काळे यांनी आभार मानले.

---------------

फोटो - २८शूटिंग

वाडियापार्क क्रीडा संकुल येथे महाराष्ट्र रायफल असोसिएशन आयोजित महाराष्ट्र एअर ॲण्ड फायर आर्म राज्यस्तरीय शूटिंग स्पर्धेचे उद्घाटन आमदार जगताप यांच्या हस्ते झाले. यावेळी प्रभारी जिल्हा क्रीडा अधिकारी प्रकाश मोहारे, डॉ. मरियम माजिद, प्रा. माणिक विधाते, भारत काळे, आदी उपस्थित होते.