घरफोडी करून पैसे, दागिने चोरले

.......

मोटारसायकल चोरली

अहमदनगर : श्रीगोंदा तालुक्यातील बेलवंडी येथून चोरट्याने एक मोटारसायकल चोरून नेली. २४ मार्च रोजी दुपारी दोन वाजता ही घटना घडली. याप्रकरणी बेलवंडी पोलीस ठाण्यात रवींद्र दिगंबर लावर यांनी दिलेल्या फिर्यादीवरून चोरट्याविरोधात गुन्हा दाखल करण्यात आला आहे. याप्रकरणी हेड कॉन्स्टेबल बारावकर पुढील तपास करीत आहेत.

.......

कारच्या धडकेत एकाचा मृत्यू

अहमदनगर : नगर-कल्याण रोडवरील धोत्रे परिसरातील भांडवस्ती येथे कारच्या धडकेत एकाचा मृत्यू झाला. २६ मार्च रोजी सकाळी साडेअकरा वाजेच्या सुमारास ही घटना घडली. सोन्याबापू नाथा राहिंज (वय ५५, रा.धोत्रे, ता. पारनेर), असे अपघातात मयत झालेल्या व्यक्तीचे नाव आहे. याप्रकरणी पारनेर पोलीस ठाण्यात नंदकुमार लक्ष्मण राहिंज यांनी दिलेल्या फिर्यादीवरून सदर कारचालकाविरोधात गुन्हा दाखल करण्यात आला आहे.

.......

तरुणाचे पैसे, मोबाइल चोरला

अहमदनगर : नगर तालुक्यातील पिंपळगाव उज्जैनी येथे एकाने तरुणाचे पैसे, मोबाइल व घड्याळ असा एकूण ३१ हजार रुपयांचा मुद्देमाल चोरून नेला. २४ ते २५ मार्चदरम्यान ही घटना घडली. याप्रकरणी एमआयडीसी पोलीस ठाण्यात राहुल रंगनाथ अल्लाट यांनी दिलेल्या फिर्यादीवरून माऊली मच्छिंद्र बांदल (हिरवळ, ता. शिरोळ, जि. सातारा) याच्याविरोधात गुन्हा दाखल करण्यात आला आहे. याप्रकरणी पोलीस नाईक दीपक गांगर्डे पुढील तपास करीत आहेत.

.......

मोटारसायकल चोरीच्या घटना वाढल्या

अहमदनगर : नगर शहर व परिसरात मोटारसायकल चोरीच्या घटना वाढल्या असून, पोलिसांनी या चोरट्यांचा बंदोबस्त करावा, अशी मागणी नागरिकांमधून होत आहे. शहरातील तोफखाना कोतवाली भिंगार कॅम्प पोलीस ठाणे हद्दीतून दिवसाला एक मोटारसायकल चोरी असे प्रमाण आहे. अपवाद वगळता पोलिसांना या मोटारसायकलच्या चोरी करणाऱ्या टोळ्या पकडण्यात अपयश आले आहे.