चिनी मांजावर बंदी घाला

चायना मांजात अडकलेल्या गव्हाणी घुबडाला बुधवारी हरियाली संस्थेचे सुरेश खामकर यांनी जीवदान देत निसर्गात मुक्त केले. संक्रांतीनिमित्त नगर शहरासह जिल्ह्यात पतंग उडविले जातात. बंदी असतानाही पतंगासाठी चिनी मांजाचा वापर केला जात आहे. हा मांजा दुचाकीस्वार तसेच रस्त्याने पायी चालणारे नागरिक यांच्या मानेला अडकून अपघात होणे, दुखापत होणे अशा गंभीर व जीवघेण्या दुर्घटना यापूर्वी घडल्या असून आताही घडत आहेत. तसेच आकाशात मुक्त विहार करणारे पक्षी हे जहजपणे या चिनी मांजात अडकल्यामुळे अनेक पक्ष्यांना दुखापत होवून त्यांचा जीव गेला आहे. या घटना टाळण्यासाठी चिनी मांजाच्या वापरावर व विक्रीवर बंदी आणावी, अशी मागणी खामकर यांच्यासह ठाकूरदास परदेशी, योगेश गायकवाड, संजय राहुरकर, विष्णू नेटके, रंगनाथ सुंबे, दीपक परदेशी यांनी केली आहे.

फोटो २३ सुरेश खामकर

चायना मांजात अडकलेल्या घुबडाला हरियाली संस्थेचे सुरेश खामकर यांनी जीवदान देत निसर्गात मुक्त केले.