जिल्ह्यात बुधवारी १२४ कोरोना पॉझिटिव्ह

अहमदनगर : जिल्ह्यात बुधवारी १२४ जणांचा कोरोना चाचणी अहवाल पॉझिटिव्ह आला, तर ७९ जणांना घरी सोडण्यात आले. सध्या १००४ जणांवर उपचार सुरू असल्याची माहिती जिल्हा आरोग्य यंत्रणेने दिली.

जिल्हा रुग्णालयाच्या कोरोना टेस्ट लॅबमध्ये १७, खासगी प्रयोगशाळेत केलेल्या तपासणीत ८८ आणि अँटिजेन चाचणीत १९ रुग्ण बाधित आढळले.

जिल्हा रुग्णालयाच्या कोरोना टेस्ट लॅबमध्ये बाधित आढळून आलेल्या रुग्णामध्ये नगर शहर ७, जामखेड १, कर्जत ४, नगर ग्रामीण ३, पारनेर १ आणि श्रीगोंदा १ येथील रुग्णांचा समावेश आहे. खाजगी प्रयोगशाळेत केलेल्या तपासणीत बाधित आढळून आलेल्या रुग्णामध्ये नगर शहर ११, अकोले ३, जामखेड १, कर्जत १, कोपरगाव २०, नगर ग्रामीण ११, नेवासा १, पारनेर २, राहाता ५, राहुरी ३, संगमनेर २४, शेवगाव १, श्रीरामपूर ३ आणि इतर जिल्हा २ अशा रुग्णांचा समावेश आहे. अँटीजेन चाचणीत आढळून आलेल्या बाधितामध्ये नगर शहर ६, कोपरगाव ०१, नगर ग्रामीण ०२, नेवासा ०२, पारनेर ०६ आणि राहता ०२ अशा रुग्णांचा समावेश आहे.

जिल्ह्यात आतापर्यंत बाधित झालेल्या रुग्णांची संख्या ७२ हजार ५४६ इतकी झाली आहे. त्यामध्ये बरे झालेल्या रुग्णांची एकूण संख्या ७० हजार ४३६ इतकी झाली आहे. रुग्ण बरे होण्याचे जिल्ह्यातील प्रमाण हे आता ९७.०९ टक्के इतके झाले आहे. बुधवारी चाैघांचा मृत्यू झाला आहे. त्यामुळे जिल्ह्यात एकूण मृत्यू झालेल्यांची संख्या ११०६ इतकी झाली आहे.