भिवंडीमध्ये 3 मजली इमारत कोसळली : एकाचा मृत्यू, 3 जण जखमी

भिवंडीच्या नवी वस्ती परिसरात इमारतीचा काही भाग कोसळल्याची घटना घडली आहे.

भिवंडी - भिवंडीत कल्याण मार्गावरील नवी वस्तीतील तीन मजली इमारत कोसळून दुर्घटना घडली आहे.  या दुर्घटनेत एकाचा मृत्यू झाला असून सात जण जखमी झाले आहेत. शुक्रवारी (24 नोव्हेंबर) सकाळी 8 वाजण्याच्या सुमारास ही दुर्घटना घडली आहे. आणखी सात ते आठ जण ढिगा-याखाली अडकल्याची भीती व्यक्त केली जात आहे. घटनास्थळी बचावकार्य युद्धपातळीवर राबविण्यात येत असल्याची माहिती भिवंडीचे पोलीस उपायुक्त मनोज पाटील यांनी दिली. स्थानिक रहिवाशांच्या मदतीने अग्निशमन दलाकडून बचावकार्य राबविण्यात येत असल्याचे पोलिसांनी सांगितले.

दरम्यान, ढिगा-याखालून आतापर्यंत चार जणांना बाहेर काढण्यात आले आहे. यातील एकाचा मृत्यू झाला असून तीन जणांची प्रकृती चिंताजनक असल्याची माहिती समोर आली आहे. दरम्यान, वस्तीकडे जाणारे रस्ते अरुंद असल्यामुळे बचावकार्यातही मोठ्या प्रमाणात अडथळे येत आहेत. 

जखमींची संख्या
IGM हॉस्पिटल
1)  आसिफ याकूब खान ( 19वर्ष ) 
2) याकूर युसुफ खान ( 58 वर्ष )
3) शकील  अन्सारी ( 37 वर्ष )

ठाणे सिव्हिल हॉस्पिटल 
1) सलमा अन्सारी  ( 45 वर्ष )   
2) रेहान खान ( 7 वर्ष )
3)ख्वाजा मेहमूद सय्यद ( 55 वर्ष )
4) अबिद खान ( 21 वर्ष )

मृत व्यक्तीचे नाव
1) रुखसार याकूब खान  (18 वर्ष )

 

A portion of a three floor building collapses in #Maharashtra's Bhiwandi. 1 dead and 3 injured. Rescue teams at the spot. pic.twitter.com/XwuLcVLTkg

— ANI (@ANI) November 24, 2017