Oppo's new smartphone will be launched in India on January 20 | Oppo चा नवीन स्मार्टफोन 20 जानेवारीला भारतात होणार लाँच

ठळक मुद्देOppo A83 स्मार्टफोन भारतात लॉन्च होणारस्मार्टफोनची किंमत अद्याप जाहीर करण्यात आली नाहीOppo A83 स्मार्टफोन दोन कलरमध्ये मार्केटमध्ये

मुंबई : चीनची कंपनी मोबाइल कंपनी ओप्पो आता नवीन स्मार्टफोन बाजारात आणणार आहे. येत्या शनिवारी म्हणजेच 20 जानेवारीला Oppo A83 स्मार्टफोन भारतात लॉन्च होणार आहे. याबाबतची माहिती ट्विटरच्यामाध्यमातून कंपनी दिली आहे.  
Oppo A83 हा स्मार्टफोन गेल्या वर्षी डिसेंबर महिन्यात कंपनीने चीनमध्ये लॉन्च केला होता. हा स्मार्टफोन फेस अनलॉक फिचरसोबत मार्केटमध्ये दाखल झाला होता. दरम्यान, या स्मार्टफोनची किंमत अद्याप जाहीर करण्यात आली नसल्याचे समजते. मात्र, मीडियाने दिलेल्या माहितीनुसार , Oppo A83 स्मार्टफोनची किंमत 13,990 रुपये इतकी असण्याची शक्यता वर्तविली आहे. याशिवाय हा स्मार्टफोन भारतीय मार्केटमध्ये आल्यास Xiaomi Mi A1, Honor 7X आणि Samsung Galaxy On Max या स्मार्टफोनशी टक्कक देईल असे बोलले जात आहे. 
चीनमध्ये लॉन्च झाल्यानंतर Oppo A83 स्मार्टफोन दोन कलरमध्ये मार्केटमध्ये आला होता. यामध्ये ब्लॅक आणि शॅम्पेन कलरचा आहे. त्यामुळे भारतात सुद्धा लॉन्च होताना हे दोन्ही कलर कंपनी आणेल अशी आशा व्यक्त होत आहे. त्याचबरोबर, या स्मार्टफोनचे काही स्पेसिफिकेशन्स आणि विशेष करुन रॅमध्ये फरक असण्याची शक्यता आहे.

जाणून घ्या, काय आहेत Oppo A83 स्मार्टफोनचे स्पेसिफिकेशन्स?
-  ड्युअल सिम स्मार्टफोन
- ऑपरेटिंग सिस्टिम अॅन्ड्राईड 7.1 नॉगट बेस्ड Color OS 3.2 
- 4 जीबी रॅम
-  2.5GHz ऑक्टा-कोर प्रोसेसर
- 5.7 इंचाचा एचडी आणि एलसीडी डिस्प्ले
- 13 मेगापिक्सल एलईडी रिअर कॅमेरा 
- 8 मेगापिक्सल फ्रन्ट कॅमेरा
- इंटरनल मेमरी 16 जीबी
- याशिवाय, 4G, Wi-Fi 802.11 /b/g/n, GPS, मायक्रो -USB, Bluetooth 4.2, 3.5mm हेडफोन जॅक आणि  Wi-Fi डायरेक्ट देण्यात आले आहे. 
 

ओप्पो ए७५ व ए७५एसचे अनावरण...
गेल्या काही दिवसांपूर्वी ओप्पो ए७५ व ए७५एस हे दोन स्मार्टफोन भारतात लॉंच करण्यात आले होते. ओप्पो ए७५ व ए७५एस या दोन्ही मॉडेल्समध्ये स्टोअरेजच्या क्षमतेचा अपवाद वगळता अन्य सर्व फिचर्स समान आहेत. ओप्पो ए७५ या मॉडेलमध्ये  ६ इंच आकारमानाचा, फुल एचडी प्लस (१०८० बाय २१६० पिक्सल्स) क्षमतेचा आणि एलसीडी या प्रकारचा डिस्प्ले देण्यात आला आहे. याचा अस्पेक्ट रेशो १८:९ असा आहे. यात मीडियाटेक हेलिओ पी२३ हा प्रोसेसर देण्यात आला आहे. याची रॅम ४ जीबी व स्टोअरेज ३२ जीबी आहे. तर ओप्पो ए७५एस मॉडेलची रॅम ४ जीबी व स्टोअरेज ६४ जीबी असेल. या दोन्ही व्हेरियंटचे स्टोअरेज मायक्रो-एसडी कार्डच्या मदतीने २५६ जीबीपर्यंत वाढविण्याची सुविधा देण्यात आली आहे.
या दोन्ही स्मार्टफोनमध्ये एलईडी फ्लॅशसह १६ मेगापिक्सल्सचा मुख्य कॅमेरा देण्यात आला आहे. तर सेल्फी आणि व्हिडीओ कॉलींगसाठी २० मेगापिक्सल्स क्षमतेचा कॅमेरा असेल. दोन्ही मॉडेल्समध्ये ३,२०० मिलीअँपिअर क्षमतेची बॅटरी देण्यात आली आहे. तर हा स्मार्टफोन अँड्रॉइडच्या नोगट या आवृत्तीवर आधारित कलर ओएस ३.२ या प्रणालीवर चालणारा असेल. यात फोर-जी व्हिओ-एलटीई नेटवर्क सपोर्टसह ब्ल्यू-टुथ, वाय-फाय, जीपीएस, मायक्रो-युएसबी आदी फिचर्स असतील. तर यात अ‍ॅक्सलेरोमीटर, गायरोस्कोप, ग्रॅव्हीटी, अँबिअंट लाईट सेन्सर्सदेखील प्रदान करण्यात आले आहेत. 

 


Web Title: Oppo's new smartphone will be launched in India on January 20
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.