Kasba By Election | पोटनिवडणुकीच्या मतमोजणीमुळे कोरेगाव पार्क परिसरातील वाहतुकीत बदल

हा बदल १ मार्च रोजी सकाळी ११ वाजल्यापासून २ मार्च रोजी मतमोजणी प्रक्रिया पूर्ण होईपर्यंत राहणार आहे....

पुणे : अन्नधान्य महामंडळाच्या गोदामात गुरुवारी कसबा पोटनिवडणुकीची मतमोजणी होणार असल्याने कोरेगाव पार्क परिसरातील वाहतूक बदल करण्यात आले आहेत. हा बदल १ मार्च रोजी सकाळी ११ वाजल्यापासून २ मार्च रोजी मतमोजणी प्रक्रिया पूर्ण होईपर्यंत राहणार आहे.

सेंट मीरा कॉलेज व अतूर पार्क सोसायटीकडून साउथ मेन रोडकडे येणाऱ्या वाहनांना लेन नं. १ पर्यंत प्रवेश दिला जाईल. लेन नं. १ येथे डावीकडे वळून इच्छितस्थळी जावे. साउथ मेन रोड लेन नं. ५, ६, ७ कडून साउथ मेन रोडवर येणाऱ्या वाहनांना लेन नं. ४ पर्यंत प्रवेश देण्यात येईल, तसेच या भागातील इतर रोडवरून साउथ मेन रोडकडे जाण्यास प्रवेश बंद असणार आहे.

मतमोजणी प्रक्रियेशी संबंधित सर्व अधिकारी व कर्मचारी व उमेदवार, त्याचे प्रतिनिधी व इतरांनी दुचाकी वाहनांचे पार्किंग संत गाडगे महाराज शाळेच्या आवारात पार्क करावीत, असे पोलिस उपायुक्त विजयकुमार मगर यांनी कळविले आहे.