देवेंद्र तुम्हाला पुणे पोलिसांवर भरोसा नाय काय ? डीएसके गुंतवणूकदारांचा मुख्यमंत्र्यांना सवाल

डीएसके गुंतवणूकदारांनी रविवारी मुख्यमंत्री देवेंद्र फडणवीस यांच्यासाठी गाण्याच्या रूपातून संदेश दिला असून या प्रकरणातील पोलीस अधिकारी आणि सरकारी वकील यांची बदली करू नये अशी त्यात विनंती करण्यात आली आहे.

पुणे : डीएसके गुंतवणूकदारांनी रविवारी मुख्यमंत्री देवेंद्र फडणवीस यांच्यासाठी गाण्याच्या रूपातून संदेश दिला असून या प्रकरणातील पोलीस अधिकारी आणि सरकारी वकील यांची बदली करू नये अशी त्यात विनंती करण्यात आली आहे. या गाण्यात गुंतवणूकदारांनी या प्रमाणे भावना मांडल्या आहेत.हे गाणे खालीलप्रमाणे असून  त्यात पुणे पोलीस, तपास अधिकारी आणि सरकारी वकिलांवर भरवसा व्यक्त करण्यात आला आहे. 

 देवेंद्र तुम्हाला पुणे पोलिसांवर भरोसा नाय काय ?

 तपास अधिकारी ठेवीदारांच्या हितासाठी दिवसरात्र झटतात, झटतात 

देवेंद्र तुम्हाला.... 

सरकारी वकील ठेवीदारांच्या हितसंरक्षणासाठी युक्तिवाद करतात, करतात 

 देवेंद्र तुम्हाला.... 

 चोरांना सोडून तुम्ही पुणे पोलिसांच्या मागे लागता, लागता 

देवेंद्र तुम्हाला... 

आम्हाला पुणे पोलिसांवर भरोसा आहे, आहे 

ठेवीदार, गुंतवणूकदार विजयी होणार, होणार 

दरम्यान या प्रकरणात मुख्य तपास अधिकारी म्हणून काम करणारे सहाय्य्क पोलीस आयुक्त निलेश मोरे यांची गुंतवणूकदार आणि फ्लॅटधारकांनी रुबी हॉल क्लिनिकमध्ये जाऊन भेट घेतली. त्यावेळी त्यांना लवकर बरे व्हा अशा सदिच्छाही देण्यात आल्या.