पाकिस्तानी कलाकारांना शिक्षा का देता ? - दिग्विजय सिंह

'ए दिल है मुश्किल' चित्रपटाच्या प्रदर्शनाला पूर्ण संरक्षण देण्याचे आश्वासन दिल्यानंतर आता दिग्विजय सिंह यांनी पाकिस्तानी कलाकारांचे समर्थन केले आहे.

 ऑनलाइन लोकमत 

नवी दिल्ली, दि. २१ - केंद्रीय गृहमंत्री राजनाथ सिंह यांनी 'ए दिल है मुश्किल' चित्रपटाच्या प्रदर्शनाला पूर्ण संरक्षण देण्याचे आश्वासन दिल्यानंतर आता दिग्विजय सिंह यांनी पाकिस्तानी कलाकारांचे समर्थन केले आहे. माझा बॉलिवूडला पूर्ण पाठिंबा आहे. विनाकारण पाकिस्तानी कलाकरांना टार्गेट केले जाते असे काँग्रेस नेते दिग्विजय सिंह यांनी म्हटले आहे. 

 

फक्त पाकिस्तानी कलाकारांना का शिक्षा देता ? पाकिस्तान सोबत सर्व प्रकारचे संबंध बंद का करत नाही ? असा सवाल दिग्विजय यांनी विचारला आहे. आपण पाकिस्तानबरोबर व्दिपक्षीय चर्चा केली पाहिजे. उगाचच दोन्ही बाजूच्या कलाकारांना टार्गेट करु नका. ते उत्तम दूत होऊ शकतात असे दिग्विज यांनी टि्वटमध्ये म्हटले आहे. 

I fully support Bollywood's stand on Filmmakers. Why punish only Artists ? Why not ban any kind of relationship with Pakistan ?

— digvijaya singh (@digvijaya_28) October 21, 2016

 

बॉलिवूडच्या शिष्टमंडळाने काल केंद्रीय गृहमंत्री राजनाथ सिंह यांची भेट घेऊन ए दिल है मुश्किल चित्रपटाच्या प्रदर्शनाला संरक्षण देण्याची मागणी केली. चित्रपटात पाकिस्तानी कलाकार फवाद खान असल्याने मनसेने हा चित्रपट प्रदर्शित होऊ देणार नाही अशी धमकी दिली आहे. 

We must open dialogue with Pakistan and also not unnecessarily target Artists on both sides. They can be best of Ambassadors on both sides.

— digvijaya singh (@digvijaya_28) October 21, 2016