विराट-अनुष्का पुन्हा साथ साथ !

नवी दिल्ली, दि. 31  - भारतातील सध्याच्या सर्वात चर्चित कपल्सपैकी एक म्हणजे  विराट कोहली आणि अनुष्का शर्मा. त्यांच्यात ब्रेकअप झाल्याच्या वावड्या काही महिन्यांपूर्वी उठल्या होत्या. त्यानंतर दोघेही सार्वजनिक ठिकाणी कधी एकत्र न दिसल्याने दोघांमध्ये दुरावा निर्माण झाल्याचे बोलले जात होते. पण नंतर दोघांमधील दुरावा मिटल्याचीही माहिती मिळत होती. आता दिवाळीच्या मुहुर्तावर दोघेही एकत्र दिसल्याने त्यांच्यातील नाते पूर्वपदावर आल्याचे संकेत मिळत आहेत. रविवारी इंडियन सुपर लीगमध्ये एफसी गोवा आणि दिल्ली डायनामोज संघांमध्ये झालेल्या लढतीदरम्यान विराट आणि अनुष्का एकमेकांसोबत दिसून आले. 

एफसी गोवा संघाच्या मालकीमध्ये विराट कोहलीची भागीदारी असून, सामन्यादरम्यान,  विराट आणि अनुष्का गोव्याच्या संघाला सपोर्ट करत होते. यावेळी विराट जिन्स आणि एफसी गोवा संघाची जर्सी घालून आला होता. तर अनुष्का पांढऱ्या संगाचा सलवार सूट आणि सोनेरी रंगाची ओढणी परिधान करून आली होती.

 फेब्रुवारीमध्ये आलेली ब्रेकअपची बातमी आणि नंतर दोघांमधील दुरावा मिटल्याच्या चर्चांनंतर विराट आणि अनुष्का प्रथमच एकत्र दिसल्याने सर्वांच्या नजरा त्यांच्याकडे खिळल्या होत्या.  क्रिकेट सामन्यांदरम्यान विराटला प्रोत्साहन देण्यासाठी अनुष्का नेहमीच स्टेडियममध्ये येत असे. मात्र दोघांमध्ये दुराव्याचे वृत्त आल्यापासून अनुष्काने क्रिकेट सामन्यांना येणे टाळले होते.