Special Force is my religion and caste! Quite a video clip for many | स्पेशल फोर्स हाच माझा धर्म व जात! अनेकांना भावली व्हिडीओ क्लिप

नवी दिल्ली : ‘स्पेशल फोर्स’ म्हणजे भारतीय सैन्य दल हाच माझा धर्म आहे आणि तीज माझी जातही आहे, अशा शब्दांत धर्मनिरपेक्ष समाजाचे समर्थन करणारे कर्नल सौरभ सिंह शेखावत यांचा एक मिनिटांचा व्हिडिओ व्हायरल झाला आहे.
मी फोर्समध्ये रुजू झालो असता वरिष्ठांनी विचारले की, तुमचा धर्म, जात काय आहे? मी सांगितले की, हिंदू राजपूत. त्यावर ते चिडून म्हणाले की, जा आणि पाण्यात बुडी मारुन या. मी त्याप्रमाणे केले. नंतर मला जाणीव झाली की, मी काहीतरी चुकीचे सांगितले आहे. शेखावत म्हणाले की, त्यांनी पुन्हा तोच प्रश्न विचारला आणि मी उत्तर दिले की, स्पेशल फोर्स हाच माझा धर्म आणि जात आहे. शेखावत म्हणतात की, हीच पद्धत सर्व भारतवासियांनी मान्य केली, तर देशातील बहुतांश समस्या सुटतील. शेखावत यांचे व्टिट ४,५३३ वेळा शेअर करण्यात आले आहे.

कीर्ति, शौर्य व सेना पदक
कीर्ति चक्र, शौर्य चक्र व सेना पदक यांनी गौरविण्यात आलेले कर्नल सौरभ शेखावत भारतीय सैन्यातील ज्येष्ठ अधिकारी आहेत. त्यांची ही व्हिडीओ क्लिप माजी सैन्य अधिकारी रघु रामन यांनी व्टिटरवर शेअर केली आहे.


Web Title: Special Force is my religion and caste! Quite a video clip for many
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.