शहिदांचा मृतदेह प्लॅस्टिकच्या पिशवीत बांधून पाठवला, शहिदांसोबत ही कोणती वागणूक?

अरुणाचल प्रदेशच्या तवांग येथे झालेल्या हेलिकॉप्टर क्रॅशमधील शहिदांच्या मृतदेहासोबत विटंबना, शहिदांचा मृतदेह तिरंग्याच्या जागी प्लॅस्टिकच्या पिशवीत आणि कागदी बॉक्समध्ये

ठळक मुद्देक्रिकेटपटू गौतम गंभीरने ट्वीटकरून ही लाजीरवाणी घटना असल्याचं म्हटलं आहेपंजाबचे मुख्यमंत्री कॅप्टन अमरिंदर सिंग यांनी ट्वीटकरून  शहिदांचे कागदाच्या बॉक्समधले फोटो पाहून धक्का बसला...आपण आपल्या शहिदांना अशी वागणूक देतो का? ... असा प्रश्न विचारला आहे.

नवी दिल्ली - अरुणाचल प्रदेशच्या तवांग येथे झालेल्या हेलिकॉप्टर क्रॅशमधील शहिदांच्या मृतदेहासोबत विटंबना झाल्याचा आरोप केला जात आहे. शहिदांचा मृतदेह तिरंग्याच्या जागी प्लॅस्टिकच्या पिशवीत आणि कागदी बॉक्समध्ये ठेवण्यात आल्याचे फोटो समोर आल्यापासून वादाला सुरूवात झाली आहे.  सोशल मीडियावर या घटनेवरून तीव्र संताप व्यक्त केला जात आहे. क्रिकेटपटू गौतम गंभीरने ट्वीटकरून ही लाजीरवाणी घटना असल्याचं म्हटलं आहे. वाढता वाद पाहता लष्कराने ट्वीट करून ''शहिदांना नेहमीच सन्मान दिला जातो, पण ही नेहमीप्रमाणे मिळणारी वागणूक नव्हती...'' हे मान्य केलं आहे. 

Fallen soldiers always given full military honour. Carriage of mortal remains in body bags, wooden boxes,coffins will be ensured. pic.twitter.com/XSom29pWoF

— ADG PI - INDIAN ARMY (@adgpi) October 8, 2017

भारतीय हवाई दलाचे एमआय-17 व्ही 5 हेलिकॉप्टर शुक्रवारी सकाळी अरुणाचल प्रदेशमध्ये तवांगजवळ कोसळले.  या दुर्घटनेत एअर फोर्सच्या सात जवानांचा मृत्यू झाला. माजी कमांडर लेफ्टनंट जनरल  एच. एस. पनाग यांनी रविवारी एक फोटो ट्वीट केला. यामध्ये शहिदांचा मृतदेह प्लॅस्टिकच्या पिशवीत आणि कागदी बॉक्समध्ये ठेवण्यात आल्याचं दिसत होतं. काल सात जवान घरातून मातृभूमीचं रक्षण करण्यासाठई घरातू निघाले होते....आणि अशाप्रकारे ते घरी परतले...असं ट्वीट त्यांनी केलं.

Seven young men stepped out into the sunshine yesterday, to serve their motherland. India.
This is how they came home. pic.twitter.com/OEKKcyWj0p

— Lt Gen H S Panag(R) (@rwac48) October 8, 2017

फोटो समोर आल्यानंतर गौतम गंभीरने ही घटना लाजीरवाणी असल्याचं ट्वीट केलं.

IAF क्रैश के शहीदों के शव...शर्मनाक! माफ़ करना ऐ दोस्त, जिस कपड़े से तुम्हारा कफ़न सिलना था वो अभी किसी का बंद गला सिलने के काम आ रहा है !!! pic.twitter.com/fOWyymhozb

— Gautam Gambhir (@GautamGambhir) October 8, 2017

पंजाबचे मुख्यमंत्री कॅप्टन अमरिंदर सिंग यांनी ट्वीटकरून  शहिदांचे कागदाच्या बॉक्समधले फोटो पाहून धक्का बसला...आपण आपल्या शहिदांना अशी वागणूक देतो का? ... असा प्रश्न विचारला आहे. या घटनेमुळे सोशल मीडियावर मोठ्या प्रमाणात रोष व्यक्त होत असून अमरिंदर सिंग यांच्याप्रमाणेच आपण आपल्या शहिदांना अशी वागणूक देतो का? हा प्रश्न सोशल मीडियावर अनेकजण विचारत आहे.

Shocked to see bodies of 7 @IAF_MCC & @adgpi Tawang crash victims brought in cartons. Is this how we treat our brave men? pic.twitter.com/dP5HGsRvTH

— Capt.Amarinder Singh (@capt_amarinder) October 8, 2017