Barricade is a problem, not a detention! | ‘बॅरिकेड’ असून अडचण, नसून खोळंबा !
‘बॅरिकेड’ असून अडचण, नसून खोळंबा !

ठळक मुद्देरोगापेक्षा आता इलाज भयंकर अंमलबजावणीपेक्षा फज्जा अधिक

नाशिक : जुन्या पंडित कॉलनीमधील एकेरी वाहतुकीचा नियम अंमलात आणण्याचा पोलिसांचा खटाटोप अपघातांना निमंत्रण देणाराच ठरत आहे. कारण या नियमांच्या अंमलबजावणीसाठी टिळकवाडी सिग्नलवर लावलेले बॅरिकेड हे वाहनचालकांच्या जिवावर बेतण्याची शक्यता आहे. तरण तलावाकडे जाणारे वाहनचालक या बॅरिकेडपुढे जाऊन वाहने उभी करत असल्याचे चित्र आहे. त्यामुळे बॅरिकेड ‘असून अडचण, नसून खोळंबा’ अशी स्थिती निर्माण झाली आहे. टिळकवाडी सिग्नलवरून पुढे तरणतलाव सिग्नल अथवा कॅनडा कॉर्नर आणि सीबीएसच्या दिशेने मार्गक्रमण करण्यास शहर वाहतूक नियंत्रण शाखेकडून बंदी घालण्यात आली. हा उपाय जुन्या पंडित कॉलनीत निर्माण होणाºया वाहतूक कोंडीच्या समस्येवर पोलिसांनी शोधून काढला आहे. रस्त्यावर उभ्या राहणाºया चारचाकी वाहनांमुळे दुहेरी वाहतुकीसाठी हा रस्ता कमी पडत असताना पोलिसांनी अवैधरीत्या पार्किंग केलेल्या वाहनांवर कारवाई करण्याऐवजी एकेरी वाहतूक सुरू केली; मात्र एकूणच रोगापेक्षा आता इलाज भयंकर झाल्याच्या प्रतिक्रिया संतप्त नागरिकांकडून उमटत आहेत. सरकारवाडा पोलीस ठाण्याकडून येणारी वाहतूक शहर वाहतूक शाखेला अपेक्षित असल्याप्रमाणे सरळ मॅरेथॉन चौकापर्यंत न जाता जुन्या पंडित कॉलनीतून वळण घेत टिळकवाडी सिग्नलवरून पुढे मार्गस्थ होत आहे. यामुळे एकेरी वाहतूक नियमाच्या अंमलबजावणीपेक्षा फज्जा अधिक उडाल्याचे चित्र बघावयास मिळत आहे. जुन्या पंडित कॉलनीच्या वळणावर पोलिसांकडून बॅरिकेड लावण्यात आलेले नाही, त्यामुळे वाहने सर्रास वळण घेत सिग्नलपर्यंत येतात आणि येथे बॅरिकेड बघून पुन्हा माघारी न जाता बॅरिकेडच्या पुढे किंवा शेजारी उभे राहून सीबीएस-कॅनडाकॉर्नरचा सिग्नल लागताच अचानकपणे पुढे वाहने दामटवितात; मात्र यावेळी विरुद्ध बाजूच्या सुटणाºया सिग्नलमुळे वाहने समोरासमोर येऊन अपघाताची स्थिती उद्भवते.


Web Title: Barricade is a problem, not a detention!
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.

प्रमोटेड बातम्या

प्रमोटेड बातम्या

नाशिक अधिक बातम्या

गोडसे यांच्या प्रचाराला कोकाटे कधी निघणार?

गोडसे यांच्या प्रचाराला कोकाटे कधी निघणार?

4 hours ago

कट प्रॅक्टिसच्या विधेयकाचा पत्ताच कट

कट प्रॅक्टिसच्या विधेयकाचा पत्ताच कट

2 hours ago

द्राक्षे चोरली म्हणून नाशिकला अल्पवयीन मुलांना विवस्र करून पाठविले घरी !

द्राक्षे चोरली म्हणून नाशिकला अल्पवयीन मुलांना विवस्र करून पाठविले घरी !

2 hours ago

कंत्राटी कामगारांचा लाँग मार्च स्थगित

कंत्राटी कामगारांचा लाँग मार्च स्थगित

2 hours ago

पाहुनी तुजला हरपून गेलो, अशा तुझ्या रे रंगकळा...!

पाहुनी तुजला हरपून गेलो, अशा तुझ्या रे रंगकळा...!

2 hours ago

महापालिकेच्या स्थायी सदस्यांचा उद्या फैसला

महापालिकेच्या स्थायी सदस्यांचा उद्या फैसला

2 hours ago