BMCचे लोक माझ्या कार्यालयात घुसले, उद्या तोडायची तयारी; व्हिडिओ दाखवत कंगनाचा दावा

मुंबई/नवी दिल्ली - कंगना रणौत आणि शिवसेना नेते संजय राऊत यांचा वाद चांगलाच पेटला आहे. मात्र, आता या वादाने वेगळेच वळण घेतले आहे. कंगनाने नुकतेच एक ट्विट करत, बीएमसीचे काही अधिकारी आपल्या कार्यालयात जबरदस्तीने घुसले आणि ते उद्या हे कार्यालय तोडण्याच्या तयारीत आहेत, असा दावा केला आहे.

कंगनाने ट्विट करत म्हटले आहे, की 'मुंबईतील हे मणिकर्णिका चित्रपटाचे कार्यालय आहे. हे कार्यालय मी पंधरा वर्ष मेहनत करून कमावले आहे. आयुष्यात माझे एकच स्वप्न होते, की जेव्हा मी चित्रपट निर्माता बनेन तेव्हा माझे  स्वतःचे एक कार्यालय असेल. मात्र, हे स्वप्न भंगण्याची वेळ आली आहे, असे वाटते. आज तेथे अचानक बीएमसीचे लोक आले आहेत.'

ये मुंबई में मणिकर्णिका फ़िल्म्ज़ का ऑफ़िस है, जिसे मैंने पंद्रह साल मेहनत कर के कमाया है, मेरा ज़िंदगी में एक ही सपना था मैं जब भी फ़िल्म निर्माता बनूँ मेरा अपना खुद का ऑफ़िस हो, मगर लगता है ये सपना टूटने का वक़्त आ गया है, आज वहाँ अचानक @mybmc के कुछ लोग आए हैं 🙂 pic.twitter.com/C7zGe8ZyGe

— Kangana Ranaut (@KanganaTeam) September 7, 2020

कंगना रणौतने एक व्हिडिओदेखील पोस्ट कोला आहे. या व्हिडिओमध्ये तिच्या कार्यालयात काही लोक तपासणी करताना दिसत आहेत. हे लोक बीएमसीचे अधिकारी असल्याचे तिने म्हटले आहे. यासंदर्भात कंगनाने ट्विट करत म्हटले आहे, की हे लोक जबरदस्तीने माझ्या कार्यालयात घुसले आहेत. त्यांनी माझ्या शेजाऱ्यांनाही त्रास दिला. जेव्हा माझ्या शेजाऱ्यांनी या अधिकाऱ्यांना प्रश्न विचारले तेव्हा, त्या ज्या मॅडम आहेत, त्यांच्या कृत्याचे परिणाम सर्वांनाच भोगावे लागतील. मला उद्या सूचाना देण्यात येईल, की ते माझ्या प्रॉपर्टीची मोड-तोड करत आहेत.'

They have forcefully taken over my office measuring everything, also harassing my neighbors when they retorted @mybmc officials used language like ,” वो जो मैडम है उसकी करतूत का परिणाम सबको भरना होगा” I am informed tomorrow they are demolishing my property 🙂 pic.twitter.com/efUOGJDve1

— Kangana Ranaut (@KanganaTeam) September 7, 2020

आणखी एका ट्विटमध्ये कंगनाने म्हटले आहे, 'बेकायदेशीर बांधकामासंदर्भात नोटीशीसोबतच बीएमसीला स्ट्रक्चर प्लॅन पाठवणे आवश्यक आहे. आज त्यांनी माझ्या कार्यालयावर छापा टाकला आणि उद्या ते नोटिस न देताच संपूर्ण स्ट्रक्चर तोडतील'.

I have all the papers, BMC permissions nothing has been done illegal in my property, BMC should send a structure plan to show the illegal construction with a notice, today they raided my place and without any notice tomorrow they demolishing entire structure 🙂

— Kangana Ranaut (@KanganaTeam) September 7, 2020

९ सप्टेंबरला कंगना मुंबईत येणार आहे. हिंमत असेल तर मला अडवून दाखवा, असं थेट आव्हान तिनं शिवसेनेला दिलं आहे. आज केंद्रानं कंगनाला वाय दर्जाची सुरक्षा देण्याचा निर्णय घेतला. मुंबईतील खारमध्ये कंगनाचं घर आहे. पाली हिल परिसरात तिचं कार्यालय आहे. या कार्यालयाची आज मुंबई महापालिकेच्या काही अधिकाऱ्यांनी पाहणी केली. कार्यालय अनधिकृत नाही ना, रस्त्यावर अतिक्रमण तर झालेलं नाही ना, याची तपासणी करण्यासाठी अधिकारी आले होते.

कंगनाच्या कार्यालयात सध्या रंगरंगोटीचं काम सुरू आहे. त्यांचीही पालिकेच्या अधिकाऱ्यांनी जुजबी चौकशी केली. कार्यालयाशेजारी असणाऱ्या बंगल्यांचीदेखील पाहणी करण्यात आली. यावेळी अधिकाऱ्यांनी शेजारीच असलेल्या रस्त्यांचीही मापं घेतली. त्यामुळे आता पालिका काय कारवाई करणार, याकडे सगळ्यांचं लक्ष लागलं आहे.

महत्त्वाच्या बातम्या -

CoronaVaccine : खूशखबर! स्वदेशी 'कोव्हॅक्सीन'च्या दुसऱ्या टप्प्यावरील परीक्षणाला परवानगी, 7 सप्टेंबरपासून होणार सुरूवात

मोदी सरकार आणतंय नवी पॉलिसी, भंगारमध्ये जाणार तुमची जुनी गाडी

मुंबई काय शिवसेनेच्या बापाची आहे का? कंगनाच्या पाठीशी उभे राहत भाजपा नेत्याचा शिवसेनेवर हल्लाबोल

कंगनाविरोधात आंदोलन, शिवसेनेच्याच राज्यात शिवसेनेच्या आमदारावर गुन्हा दाखल