हिंगोली, नांदेड जिल्ह्यात भूकंप; लातूरला जाणवला सौम्य धक्का

वारांगा फाटा - आखाडा बाळापूर दरम्यान भूकंपाचा केंद्रबिंदू

लातूर : हिंगोली जिल्ह्यातील आखाडा बाळापूर, वारांगा फाटा याठिकाणी गुरुवारी सकाळी ६.१५ वाजेच्या सुमारास दोन वेळा भूकंपाचे सौम्य धक्के जाणवले आहेत. हिंगोली, वसमत, औंढा व कळमनुरी तालुक्यातील काही गावांमध्ये तसेच नांदेड जिल्ह्यातील काही गावांमध्ये भूगर्भातुन आवाज व सौम्य धक्का जाणवला आहे. या भूकंपाचालातूर जिल्ह्यात सौम्य धक्का जाणवला आहे.

या धक्क्याची नोंद भूकंप मापक केंद्रात ४.५ व ३.६ अशी झाली आहे. मिळालेल्या माहिती नुसार कोणत्याही प्रकारचे नुकसान झालेले नाही. या भूकंपाचा सौम्य धक्का नांदेड, परभणी, लातूर या जिल्हात व परिसरातही जाणवला. नागरिकांनी घाबरून जाऊ नये असे आवाहन लातूर जिल्हा प्रशासनाच्या वतीने करण्यात आले आहे.