गगनबावडा परिसर पर्यटकांनी बहरला, वर्षा पर्यटनासाठी गर्दी :

ठळक मुद्देहिरव्या वनराईतून झेपावणारे निर्झर, धुक्यात लपलेली पर्वत शिखरे, दऱ्याखोऱ्या, धुवाधार पाऊस

साळवण : हिरव्या वनराईतून झेपावणारे निर्झर , गगनाला गवसनी घालणाºया पर्वतरांगा, धुक्यात लपलेली पर्वत शिखरे, दऱ्याखोऱ्या, धुवाधार पाऊस, सोसाट्याचा वारा, आणि आकाशातून पळणाऱ्या मेघमाला असे नयनरम्य स्वर्गीय सौंदर्य मनमुराद लुटण्यासाठी पर्यटकांची वर्षा सहलीच्या निमित्ताने गगनबावड्यावर एकच गर्दी होते आहे.

धो धो कोसळणारा पाऊस शांतपणे झेलणाऱ्या पर्वतराई आणि त्यातून बेफाम धावणारे लाल भडक पाणी बघताना पाण्याच्या रौद्र रूपाची प्रचिती तर येतेच, पण याला महाराष्ट्राची चेरापुंजी का म्हणतात याची जाणिव होते. मऊ धुक्याच्या पांढºया शुभ्र रजईतून फिरताना आणि त्यांचा स्पर्श अनुभवताना अंगावर रोमांच उभे राहतात. धुक्यातुन पर्वतरांगाचा माथा आणि दºयाखोºया भरून राहिलेले धुके बघताना काश्मिरची आठवण येते . तर नयनरम्य निसर्ग सौंदर्यासह तरल धुक्यातील बोचरी थंडी अंगाखांद्यावर घेत हिंडताना गगनबावडा म्हणजे प्रति महाबळेश्वर आहे, याची जाणीव मनाला होते.

करूळ घाटातील यू वळणावरून चौफेर दिसणारी कोकणातील ईवली ईवली घरे आणि कोसळणारे धबधबे बघताना अंगावर रोमांच उभे राहतात . कडेकपारीतील हिरवळीतून नागमोडा जाणारा घाटरस्ता आणि समोर दिसणारा गगनगिरी यांच्या दशर्नामुळे मनाचे आणि डोळ्यांचेही पारणे फिटते. तर मागील बाजूला असणारी दरी बघून अंगाचा थरकापही होतो . घाटात कोसळणाºया धबधब्याखाली मनोसक्त अंघोळ करणारे पर्यटक बघून त्यांचा हेवाही वाटतो.

आपणही धबधब्याखाली चिंब ना नसेना पण तुषार तरी झेलावेत या मनिषाने पावले आपोआप त्या धबधब्याकडे वळतात .
भूईबावडा घाटात उतरतानाच खोदलेल्या सस्त्याच्या दोन्ही कपारीतून पडणारे पाणी बघता आपण पाताळात तर उतरत नाही ना असा भास होतो . पण घाट वळण येताच समोर दिसणाऱ्या हिरव्यागार डोंगर टेकड्या आणि उतरत्या छप्पराची घरे बघता आपण कोकणातील निसर्गसौंदर्य न्याहळण्यात स्वत:ला हरवून जातो. उभ्या खडकाच्या कवेतून जाणारा घाटरस्ता आणि कोसळलेल्या दरडी बघून नकळत करूळ घाट आणि भुईबावडा घाट यांची सुरक्षितेच्या दृष्टिकोनातून तुलना होते.
पण नजरेच्या टप्या पलिकडेही पसरलेल्या हिरव्यागार पर्वतरांगा आणि त्यांचे सौंदर्य बघता कोकणातील सौंदर्य मनाला मोहिनी का घालते याचे उत्तर मिळते आणि क्षणभर मनाला पडलेली भीती कुठल्या कुठे पळून जाते.

निसर्गाचा खजिना

सभोवताली हिरवी कंच झाडी आणि त्याच्यामध्ये लहरणारे पाणी बघताना आपण क्षणभर का होईना देहभान विसरतो. सांडव्यातून मोत्यासारख्या फेसाळत जाणाºया शुभ्र धारा बघून आपण कोणत्या नंदनवनात आहोत असा प्रश्न पडतो. पहावे तिकडे हिरवीगार वृक्षराजी त्यातून झेपावणाºया शुभ्र जलधारा, गिरीशिखरांना लपेटलेली धुके, ओथंबत जाणाºया धनमाला, केव्हा सुसाट तर केव्हा सळसळत जाणारा वारा असे मनमोहक निसर्गाची रूपे आपण कळे गाव सोडताच दृष्टीला पडतात. असाच निसर्ग सौंदर्याचा अनोखा खजिना आपल्याला संपूर्ण तालुक्यात पहायला मिळतो . खरोखरीच वर्षा सहलीचा मनमुराद आनंद लुटायचा असेल तर गगनबावड्यासारखे दुसरे ठिकाण नाही .पर्यटन आणि मनमुराद भिजल्यानंतर लागलेली भूक शमवण्यासाठी खास कोकणी पद्धतीचे जेवण, गरमा गरम वाफाळणाºया चहासाठी हॉटेल्स आपल्या स्वागतासाठी उभी आहेत.