काळ्या रंगाचेच का असतात गाड्यांचे टायर? जाणून घ्या यामागचं कारण...

Why Tyres Color Black : तुम्ही विचार केलाय का की, कोणत्याही गाडीच्या टायरचा रंग काळाच का असतो? देशातच नाही तर परदेशातही गाड्यांच्या टायरचा रंग काळा असतो. 

Why Tyres Color Black : रस्त्यावर चालणारी वाहने सध्या मनुष्यांच्या जीवनातील महत्वाचा भाग झाले आहेत. आपल्या रोजच्या कामांसाठी लोक वाहनांचा वापर करतात. जेव्हाही तुम्ही शोरूममध्ये एखादी गाडी खरेदी करण्यासाठी जाता तेव्हा वेगवेगळ्या रंगाच्या गाड्या तुम्हाला बघायला मिळतात. पण टू-व्हिलर असो वा फोर-व्हिलर यात एक कॉमन गोष्ट असते. ती म्हणजे गाडीचे टायर. तुम्ही विचार केलाय का की, कोणत्याही गाडीच्या टायरचा रंग काळाच का असतो? देशातच नाही तर परदेशातही गाड्यांच्या टायरचा रंग काळा असतो. 

टायरचा रंग काळाच का असतो?

तुम्हाला माहीत नसेल पण टायरचा रंग काळा असण्यामागे फार मोठं सायन्स आहे. त्याशिवाय सगळ्याच कंपन्या काळ्या टायरला चांगला मानतात. एका रिपोर्टनुसार, कच्चा रबर म्हणजे रॉ रबर पिवळ्या रंगाचा असतो. पण या रबराने टायर बनवला तर तो लवकर घासला जातो. त्यामुळे टायरसाठी वापरण्यात येणाऱ्या रबरमध्ये कार्बन मिक्स केलं जातं. जेणेकरून ते जास्त काळ टिकावं. हेच मजबूतीसाठी मिक्स केलं जाणारं कार्बनच टायरला काळं करतं. कार्बनसोबतच यात सल्फरही मिक्स केलं जातं. ज्यामुळे टायर मजबूत होतात.

दुसऱ्या रंगाचे का नसतात टायर?

तुम्हाला वाचून आश्चर्य वाटेल की, कधीकाळी गाड्यांच्या टायरचा रंग पांढरा राहत होता. आजच्या काळ्या रंगाच्या टायरच्या तुलनेत पांढरे किंवा दुधिया रंगाचे टायर कमी मजबूत असायचे. तुम्ही लहान मुलांच्या सायकले टायर पाहिले असतील. ते वेगवेगळ्या रंगाचे असतात. हे टायर काही महिन्यात घासून खराब होतात. कारण यात कार्बनचा वापर केलेला नसतो. 

एका रिपोर्टनुसार, एखाद्या साध्या रबराचा टायर जिथे 8 हजार किलोमीटर चालू शकतो, तिथे कार्बनयुक्त रबराचा टायर 1 लाख किलोमीटर चालू शकतो.