आदित्य ठाकरे यांनी जळगाव ग्रामीण मधून निवडणूक लढवावी....

गुलाबराव पाटील यांचे आवाहन

जळगाव : धरणगाव येथील सभेत मंत्री गुलाबराव पाटील यांनी सांगितले की, माझ्या सारख्या रस्त्यावरच्या माणसाला या मतदार संघाने तीनवेळा आमदार केले.आता मंत्री झालो. शिवसेनेवर प्रेम करणाऱ्या या मतदार संघातून आदित्य ठाकरेंनी निवडणूक लढवावी व इथून आमदार व्हावे अशी माझी ईच्छा असल्याचे सांगताच टाळ्यांचा कडकडात झाला.मात्र आदित्य ठाकरेंनी मिश्किलपणे हास्य केले.
ठाकरे यावेळी म्हणाले की, शेतकरी बांधवानी आता आत्महत्या करण्याची गरज नाही.फक्त शिवसेनेला आवाज द्या तुमच्या अडचणी सोडविण्यास शिवसेना कटीबध्द राहील. सुत्रसंचालन जिल्हाप्रमूख गुलाबराव वाघव व माजी नगराध्यक्ष पी.एम.पाटील यांनी केले. आभार विश्वनाथ पाटील यांनी मानले. याप्रसंगी जळगाव ग्रामीण मतदारसंघा मधील राष्ट्रवादीच्या अनेक सरपंच व पदाधिकाऱ्यांनी शिवसेनेत प्रवेश केला. सभेला शिवसैनिकांसह नागरिकांची मोठी उपस्थिती होती.
एरंडोल येथे जल्लोषात स्वागत
एरंडोल येथे युवानेते आदित्य ठाकरे यांच्या ‘जनआशीर्वाद यात्रे’चे राष्ट्रीय महामार्ग चौफुलीवर सायंकाळी ४.५९ वाजता आगमन झाले. यावेळी वाजत गाजत व जयघोष करीत ठाकरे यांचे स्वागत करण्यात आले. कासोदा ते एरंडोल मोटरसायकल रॅलीसह ही यात्रा एरंडोल पर्यंत पोहोचली होती.
या वेळी आदित्य ठाकरे यांनी त्यांच्या वाहनातून बाहेर येवून उपस्थित शिवसैनिक तसेच महाविद्यालयीन विद्यार्थांना हात उंचावून अभिवादन केले. नंतर त्यांचा हस्ते वृक्षारोपण करण्यात आले. या वेळी माजी विधानसभा क्षेत्र प्रमुख रमेश महाजन, माजी नगराध्यक्ष किशोर निंबाळकर, राजेंद्र चौधरी, जगदीश पाटील जि.प.सदस्य नानाभाऊ महाजन, विवेक पाटील, वासुदेव पाटील, ज्ञानेश्वर आमले, अतुल महाजन, कृणाल महाजन, दीपक गायकवाड, मोहन सोनावणे आदींनी ठाकरे यांचे पुष्पगुच्छ देऊन स्वागत केले. माजी नगराध्यक्षा शोभाताई महाजन व विद्यमान नगरसेविका कल्पना महाजन, सुभाष मराठे हे उपस्थित होते.
या वेळी नगरसेविका आरती महाजन व प्रतिभा पाटील, माजी नगराध्यक्षा मीना चौधरी, नगरसेवक नितीन बिर्ला, परेश बिर्ला, चिंतामण पाटील, ज्ञानेश्वर पाटील, राजेंद्र ठाकूर, रेवानंद ठाकूर, शरद महाजन, मंगेश जैस्वाल, मयूर बिर्ला यांचेसह शिवसैनिक उपस्थित होते.
ठाकरे हे एरंडोल येथे फक्त ४ मिनिटे थांबले या ४ मिनिटात महाविद्यालयीन विद्यार्थां व युवा शिवसैनिक यांच्या उत्साहाला उधान आले होते.
भडगाव येथे ढोल ताशांच्या गजरात स्वागत
आदित्य ठाकरे यांचे दुपारी साडेतीन वाजता भडगाव येथील पाचोरा चौफुली येथे आगमन होताच ढोल ताशांच्या गजरात त्यांचे स्वागत करण्यात आले. यावेळी नगराध्यक्ष अतुल पाटील, उपनगराध्यक्ष ङॉ.वसीमबेग मिर्झा, नगरसेवक राजेंद्र पाटील उपजिल्हाप्रमुख गणेश परदेशी, पंचायत समिती सभापती रामकृष्ण पाटील, शेतकरी सहकारी संघाचे चेअरमन प्रताप पाटील, माजी जिल्हा परीषद सदस्य विकास पाटील, शिवसेना महिला तालुका प्रमुख सीमा पाटील, शिवसेना महीला शहर प्रमुख पुष्पा परदेशी, माजी नगराध्यक्षा करुणा देशमुख, नगरसेविका सुशिला पाटील, संजय पाटील, जालींदर चित्ते, शिवसेना शहर प्रमुख मनोहर चौधरी, युवासेना जिल्हा सरचिटणीस लखीचंद पाटील, युवा सेना तालुका प्रमुख रविंद्र पाटील, शेतकरी सेना तालुका प्रमुख अनिल पाटील, युवा सेनेचे विनोद पाटील, नगरसेवक डॉ. प्रमोद पाटील, माजी नगराध्यक्ष सुनिल देशमुख, शिवसेना उपतालुका प्रमुख रतन परदेशी, कैलास पाटील ,नगरसेवक संजय सोनवणे, शिवसेना तालुका प्रमुख डॉ. विलास पाटील, माजी नगराध्यक्ष शशिकांत येवले, पंचायत समितीचे माजी उपसभापती संभाजी भोसले, युवराज पाटील, ईम्रानअली सैय्यद, शिवसेना माजी तालुका प्रमुख जे. के. पाटील, निलेश पाटील , जगदीश भोई, बंटी सोनार, शाम पाटील, अनिल पाटील ,बबलु पाटील, भाउसाहेब पाटील आदी उपस्थित होते.
कासोद्यात वृक्षारोपण
कासोदा, ता. एरंडोल येथे दुपारी ४ वाजून ३१ मिनिटांनी भडगावहून आदित्य ठाकरे यांचे आगमन झाले. वृक्षारोपण करुन लागलीच त्यांचा ताफा ४.३५ वाजता एरंडोलकडे रवाना झाला. यावेळी शिवसैनिक मोठ्या संख्येने उपस्थित होते.
पाडळसे धरणाचा प्रश्न मार्गी लावणार
लोकसभेच्या निवडणुकीच्या यशानंतर राज्यात भगवेमय वातावरण तयार झाले आहे. आगामी विधानसभा निवडणुकीत युतीचीच सत्ता येणार. सध्या राज्यातत दुष्काळ आहे. शेतकरी आत्महत्या थांबविण्यासाठी शिवसेना दुष्काळी दौरा करून शेतक-यांना मदत करण्याचा प्रयत्न करीत आहे. तसेच चोपडा, अमळनेर, शिंदखेडासह पाच तालुक्यांतील शेतक-यांचा जिव्हाळ्याचा पाडळसे धरणाचा प्रश्न लवकरच मार्गी लावणार आहे. यासंदर्भात मुख्यमंत्र्यांची भेट घेऊन रखडलेल्या धरणाचा प्रश्न सोडविणार असल्याची ग्वाही शिवसेनेचे युवा नेते आदित्य ठाकरे यांनी दिली. जन आशीर्वाद यात्रेनिमित्त चोपडा येथील आझाद चौकातील सायंकाळी झालेल्या सभेत ते बोलत होते. व्यासपीठावर खासदार संजय राऊत, आरोग्यमंत्री एकनाथ शिंदे, सहकार राज्यमंत्री गुलाबराव पाटील, संपर्कप्रमुख मिलिंद पारकर, जिल्हाप्रमुख चंद्रकांत पाटील, गुलाबराव वाघ, आमदार चंद्रकांत सोनवणे यांच्यासह शिवसेनेचे पदाधिकारी उपस्थित होते.