भरधाव टँकरच्या धडकेत आजोबा-नातू जागीच ठार

जालना शहरातील मोतीबाग येथील घटना

जालना : भरधाव पाण्याच्या टँकरने दुचाकीला धडक दिल्याची घटना मंगळवारी दुपारी तीन वाजेच्या सुमारास जालना शहरातील मोतीबाग येथे घडली. यात दुचाकीवरील नातू - आजोबा ठार झाले आहे. लक्ष्मण तुकाराम राठोड (आढे) (६०), नितीन संतोष राठोड (१४, दोघे रा. गोंदी तांडा, ता. अंबड) असे मयतांची नावे आहेत. 

लक्ष्मण राठोड (आढे) व नितीन राठोड हे दुचाकी (क्रं. एम.एच.२०.९११) ने मोतीबाग येथून अंबड चौफुलीकडे जात होते. यावेळीच अंबड चौफुलीकडून येणाऱ्या टँकरने (एम. एच. ०४. डीएस.५९७९)ने दुचाकीला धडक दिली. यात दुचाकीवरील लक्ष्मण राठोड व नितीन राठोड हे दोघे जागीच ठार झाले.  दरम्यान, घटनेची माहिती मिळाताच कदीम पोलीस ठाण्याच्या पोलिसांनी घटनास्थळी धाव घेऊन मयतांना बाहेर काढले. घटनास्थळाचा पंचनामा करुन मयतांना शवच्छिदानासाठी शासकीय रुग्णालयात नेण्यात आले.