भाजपाला कायद्याची भीती राहिली नसून सत्तेचा माज चढला आहे - कविता म्हेत्रे

जखमी महिलांची कविता म्हेत्रे यांनी रुग्णालयात जाऊन भेट घेतली.

ठळक मुद्देनिवडुंगा मारहाण प्रकरण जखमी महिलांची घेतली भेट

जालना : भाजपाच्या पदाधिकाऱ्यांना कायद्याची भीती राहिलेली नाही. त्यांना सत्तेचा माज चढला आहे. त्याचा माज उतरविण्यासाठी त्यांच्यावर पोलिसांनी कडक कारवाई करण्याची मागणी अखिल भारतीय महात्मा फुले समता परिषदेच्या महिला अध्यक्षा प्रा. कविता म्हेत्रे यांनी आयोजीत पत्रकार परिषदेत केली.

जाफराबाद तालुक्यातील निवडुंगा येथील खांडेभराड कुटुंबियावर भाजपा किसान मोर्चाचे जिल्हाध्यक्ष रावसाहेब भवर आणि त्यांच्या सहकाऱ्यांनी हल्ला करुन गंभीर जखमी केले. त्यांनी महिलांना सुध्दा अमानुष मारहाण केली आहे. ही निदनीय बाब आहे. इतकेच नाही. तर त्यांना खड्यात पुरुन जीवे मारण्याचा सुध्दा पर्यंत झाल्याचे काही मागसवर्गीय महिलांच्या सर्तकतेमुळे खांडेभराड कुटुंबियांचा जीव वाचला.

सत्ताधारी पक्षाच्या किसान मोर्चाचा अध्यक्ष महिलांना अशा प्रकारे अमानूष मारहाण करतो, त्याला कायद्याची भीती उरली नसल्यानेच त्याने असे धाडस केले आहे. वाद कुठलाही असो महिलांना मारहाण केल्याने या घटनेचा समता परिषद निषेध  करते, या घटनेतील अन्य आरोपींना अटक करुन त्यांना कडक शिक्षा करण्याची मागणी पोलीस अधीक्षकांना निवेदनाव्दारे केल्याची माहिती म्हेत्रे यांनी यावेळी दिली. या घटनेतील जखमी महिलांची कविता म्हेत्रे यांनी बुधवारी रुग्णालयात जाऊन भेट घेतली.