लग्नाचे अमिष दाखवून अल्पवयीन मुलीवर बलात्कार; सेनगाव येथील  घटना

सेनगाव शहरातील एका सतरा वर्षीय अल्पवयीन मुलीस लग्नाचे अमिष दाखवून पळवून नेत तिच्यावर बलात्कार केल्याची घटना घडली.

हिंगोली : सेनगाव शहरातील एका सतरा वर्षीय अल्पवयीन मुलीस लग्नाचे अमिष दाखवून पळवून नेत तिच्यावर बलात्कार केल्याची घटना घडली. या प्रकरणी सेनगाव पोलीस ठाण्यात पिडीत मुलीच्या तक्रारीवरून ३ जणांविरोधात गुन्हा दाखल करण्यात आला आहे.

सेनगाव शहरातील लक्ष्मीनगर येथे एका १७ वर्षीय अल्पवयीन मुलीस इंदिरानगर मधील राहणारा बालाजी अनिल गाढवे या युवकाने लग्नाचे अमिष दाखवून १ मे रोजी फुस लावून पळवून नेले. यानंतर सदर मुलीवर वाशिम, अकोला, भुसावळ, औरंगाबाद आदी ठिकाणी अत्याचार करण्यात आले. या प्रकरणी पिडीत मुलीच्या फिर्यादीवरून ४ मे रोजी बालाजी अनिल गाढवे, जिजाबाई अनिल गाढवे, सचिन रमेश गाढवे (सर्व रा. इंदिरा नगर, सेनगाव) यांच्याविरोधात अनुसूचित जाती व अनूसूचित जमाती अत्याचार प्रतिबंधक अधिनियम १९८९ व फॉस्को कायद्यांतर्गत बलात्कार, अ‍ॅट्रॉसिटी कायद्यावे गुन्हा दाखल करण्यात आला. या प्रकरणाचा पुढील तपास उपविभागीय अधिकारी सिद्धेश्वर भोरे हे करीत आहेत.