केरळच्या सीपीएम नेत्याच्या मुलाविरोधात बलात्काराचा गुन्हा मुंबईत दाखल 

पीडित महिलेने बिनॉयविरोधात बलात्कार आणि फसवणुकीचा गुन्हा ओशिवरा पोलीस ठाण्यात दाखल केला

ठळक मुद्देबिनॉय आणि पीडित महिलेची ओळख डान्स बारमध्ये झाली होती. दोघांना ८ वर्षाचं मुलं देखील आहे. बिनॉयने तिला लग्नाचे आमिष दाखवले आणि शारीरिक संबंध प्रस्थापित केले.

मुंबई - केरळमधील सीपीएम नेते कोडियेरी बालकृष्णन यांचा मुलगा बिनॉयविरोधात बलात्काराचा गुन्हा ओशिवरा पोलीस ठाण्यात दाखल आहे. दुबईतील एका डान्स बारमध्ये बिनॉयची ओळख पीडित तक्रारदार महिलेशी झाली होती. पीडित महिलेने बिनॉयविरोधात बलात्कार आणि फसवणुकीचा गुन्हा ओशिवरा पोलीस ठाण्यात दाखल केला असल्याची माहिती ओशिवरा पोलीस ठाण्याचे वरिष्ठ पोलीस निरीक्षक शैलेश पासलवाड यांनी लोकमतशी बोलताना दिली आहे. 

ओशिवरा पोलीस ठाण्याचे वरिष्ठ पोलीस निरीक्षक शैलेश पासलवाड यांनी अधिक माहिती देताना सांगितले की, बिनॉय आणि पीडित महिलेची ओळख डान्स बारमध्ये झाली होती. दोघांना ८ वर्षाचं मुलं देखील आहे. याप्रकरणी भा. दं. वि. कलम ३७६ आणि ४२० अन्वये गुन्हा दाखल करण्यात आला असून तपास सुरु आहे. दुबईतील एका डान्स बारमध्ये येथे काम करणाऱ्या महिलेची ओळख बिनॉयशी झाली. नंतर त्याचे प्रेमसंबंध जुळेल आणि २०१० साली बिनॉय पीडित महिलेला घेऊन मुंबईला आला आणि पश्चिम उपनगरात भाड्याने घर तिच्यासाठी घेतले. बिनॉयने तिला लग्नाचे आमिष दाखवले आणि शारीरिक संबंध प्रस्थापित केले. या संबंधातून त्यांना ८ वर्षाचं मुल देखील आहे. मात्र, अलीकडच्या काळात बिनॉय तिला सोडून गेला असून टाळाटाळ करत असल्याने पीडित महिलेने बिनॉयविरोधात फसवणूक आणि बलात्काराचा गुन्हा ओशिवरा पोलीस ठाण्यात दाखल केला आहे. 

मुंबई - केरळमधील सीपीएम नेते कोडियेरी बालकृष्णन यांचा मुलगा बिनॉयविरोधात बलात्काराचा गुन्हा ओशिवरा पोलीस ठाण्यात दाखल @mumbaipolicehttps://t.co/fUWIufX59Y

— Lokmat (@MiLOKMAT) June 18, 2019

Mumbai: Case registered by a 33-year old woman at Oshiwara police station against Binoy Kodiyeri, son of Kerala CPM leader Kodiyeri Balakrishnan, on charges of rape & cheating.

— ANI (@ANI) June 18, 2019