ड्रग्ज प्रकरणी अरमान कोहलीला १४ दिवसांची न्यायालयीन कोठडी
By ऑनलाइन लोकमत | Published: September 1, 2021 07:02 PM2021-09-01T19:02:58+5:302021-09-01T19:03:35+5:30
Actor Arman Kohli remanded in judicial custody : अभिनेता सुशांत सिंग राजपूत याच्या आत्महत्येनंतर बॉलिवूडमधील ड्रग्ज प्रकरणात धाडसत्र सुरू झालं.
ड्रग्ज प्रकरणी अरमान कोहलीला १४ दिवसांची न्यायालयीन कोठडी
मुंबई - अभिनेता अरमान कोहली याला १४ दिवसांची न्यायालयीन कोठडी न्यायालयाने सुनावली आहे. अरमान कोहली याच्या मुंबईतील घरात ड्रग्ज जप्त केल्यानंतर एनसीबीने त्याला अटक केली होती.
अभिनेता सुशांत सिंग राजपूत याच्या आत्महत्येनंतर बॉलिवूडमधील ड्रग्ज प्रकरणात धाडसत्र सुरू झालं. आजतागायत बॉलिवूडमधील अनेक प्रसिद्ध अभिनेते आणि अभिनेत्रींची ड्रग्ज प्रकरणात चौकशी करण्यात आली आहे. अरमान कोहली याला मुंबई न्यायालयाने तब्बल १४ दिवसांची कोठडी सुनावली आहे. एनसीबी पथकाने शनिवार सकाळी एका ड्रग पेडलरला अटक केली होती.
A Mumbai court remands actor Armaan Kohli to 14-day judicial custody
— ANI (@ANI) September 1, 2021
He was arrested following the seizure of drugs from his residence in Mumbai.
(file photo) pic.twitter.com/aXjjUtLZkt
या ड्रग्ज पेडरलचे बॉलिवूडमधील अनेक कलाकारांशी संबंध असल्याचं उघडकीस आलं आहे. गुप्त माहितीच्या आधारावर एनसीबीने बॉलीवूड अभिनेता अरमान कोहली याच्या घरावर छापेमारी करण्यात आली. मुंबई विभागाचे झोनल डायरेक्टर समीर वानखेड़े यांच्या मार्गदर्शनाखाली ही छापेमारी करण्यात आली. त्याच्या घरात ड्रग्ज सापडल्यानंतर एनसीबीने आपली कारवाईचा फास अधिक आवळला आहे.
