‘समृद्धी’च्या जमीन संपादनाला गती द्या

नागपूर-मुंबई समृद्धी महामार्गाच्या जमीन संपादन प्रक्रियेला गती देण्याच्या सूचना जिल्हाधिकारी शिवाजी जोंधळे यांनी संबंधित अधिका-यांना दिल्या आहेत.

लोकमत न्यूज नेटवर्क
जालना : नागपूर-मुंबई समृद्धी महामार्गाच्या जमीन संपादन प्रक्रियेला गती देण्याच्या सूचना जिल्हाधिकारी शिवाजी जोंधळे यांनी संबंधित अधिका-यांना दिल्या आहेत.
बदनापूर तालुक्यातील भराडखेडा येथे जिल्हाधिका-यांनी शनिवारी समृद्धी महामार्गत जमीन जाणा-या दहा गावांतील शेतक-यांची बैठक घेतली. उपविभागीय अधिकारी नेटके, तहसीलदार प्रवीण पांडे यांची यावेळी उपस्थिती होती.
बदनापूर तालुक्यातील गेवराई, दुधनवाडी, केळीगव्हाण, भाकरवाडी, गेवराईबाजार, राजेवाडी इ. दहा गावांमधील सुमारे ४५० शेतक-यांची जमीन समृद्धी महामार्गासाठी संपादित केली जाणार आहे. काही गावांमध्ये बागायती जमीन जिरायती दाखविल्याच्या तक्रारी शेतकरी करीत आहेत. याची जिल्हाधिका-यांनी प्रत्यक्ष पाहणी केली. तसेच शेतकºयांची बाजू जाणून घेतली. शेतक-यांनी रीतसर दाखल केलेले आक्षेप व हरकती लवकरात लवकर निकाली काढाव्यात, जमीन संपादनाला गती देण्यासाठी गावनिहाय नियुक्त नायब तहसीलदारांनाही या वेळी शेतक-यांची संवाद साधून त्यांना मोबदला व खरेदी प्रक्रिया याबाबत संपूर्ण माहिती देण्याचे निर्देश जिल्हाधिका-यांनी दिले.