कोम्बिंग आॅपरेशनमध्ये ३९ जणांना अटक

बीड, जालना आणि औरंगाबाद ग्रामीण पोलिसांनी चालविलेल्या कोम्बिंग आॅपरेशनमध्ये ३९ गुन्हेगारांना जेरबंद करण्यात आले.

बीड : बीड, जालना आणि औरंगाबाद ग्रामीण पोलिसांनी चालविलेल्या कोम्बिंग आॅपरेशनमध्ये ३९ गुन्हेगारांना जेरबंद करण्यात आले. तिन्ही जिल्ह्यांतर्गत गोदावरी नदीकाठच्या गुन्हेगारी वस्त्यांमध्ये शनिवारी दुपारपासून ते रविवारी पहाटे ६ वाजेपर्यंत हे कोम्बिंग आॅपरेशन करण्यात आले.
तीन जिल्ह्यांतील एकूण ४४ गुन्हेगारी वस्त्यांची झाडाझडती घेण्यात आली. या कारवाईत ८ वॉन्टेड आरोपी, अजामीनपात्र वॉरंटमधील ७, माहितगार गुन्हेगार ४, दोन हिस्ट्री शीटर पकडण्यात
आले. ७ संशयित वाहने ताब्यात घेण्यात आली, तर गुन्हेगारी पार्श्वभूमी असलेल्या १८ जणांची तपासणी करण्यात आली. या कारवाईत २१ अधिकारी, १२८ कर्मचारी, तसेच २१ शासकीय वाहनांचा ताफा होता.