Ace Deluxe बाईकच्या किंमतीत 38,000 रुपयांची कपात 

अमेरिकेतील नामांकित कंपनी  Cleveland CycleWerks (CCW) ने Ace Deluxe आणि Misfit या बाईक्स गेल्या काही काही दिवसांपूर्वी भारतात लाँच केल्या आहेत. यामधील एका बाईकची किंमत कंपनीकडून कमी करण्यात आली आहे.  

नवी दिल्ली : अमेरिकेतील नामांकित कंपनी  Cleveland CycleWerks (CCW) ने Ace Deluxe आणि Misfit या बाईक्स गेल्या काही काही दिवसांपूर्वी भारतात लाँच केल्या आहेत. यामधील एका बाईकची किंमत कंपनीकडून कमी करण्यात आली आहे.  

कार अॅण्ड बाईकच्या अहवालानुसार, Cleveland CycleWerks (CCW) कंपनीने Ace Deluxe बाईकच्या किंमतीत 38,000 रुपयांची कपात केली आहे. यामुळे नवीन किंमतीनुसार Ace Deluxe बाईकच्या किंमत दिल्लीतील एका शोरुमध्ये 1.85 लाख रुपये इतकी झाली आहे. तर Cleveland Misfit च्या किंमतीत काही बदल केले नसल्याचे सांगण्यात येत आहे. Cleveland Misfit बाईकची किंमत आधी होती तेवढीच आहे. याआधी दिल्लीतील एका शोरुमध्ये Ace Deluxe या बाईकची किंमत 2.24 लाख रुपये होती. तर, Misfit या बाईकची किंमत 2.49 लाख रुपये इतकी आहे.  

Ace Deluxe आणि Cleveland Misfit बाईक्समध्ये 299 सीसी सिंगल -सिलिंडर इंजिन आहे. हे इंजिन 15bhp ची पॉवर आणि 16Nm चे पिक टॉर्क जेनरेट करते. ट्रान्समिशनसाठी या इंजिनसोबत 5- स्पीड गियरबॉक्स उपलब्ध आहे. कंपनीने Ace Deluxe बाईकच्या किंमतील घट करत नवीन दोन कलर ऑप्शन्स दिले आहे. यामध्ये मॅट ब्लॅक, मेटालिक ऑरेंज आणि मॅट ग्रीन कलरचा समावेश आहे. याबरोबर, येत्या काही दिवसांत कंपनी स्काय ब्लू कलरचा ऑप्शन घेऊन येणार आहे.