दुचाकीला ट्रकची धडक, दोन गंभीर

भरधाव ट्रकने दुचाकीला धडक दिल्याने झालेल्या अपघातात दोन जण गंभीर जखमी झाले.

पांढरकवडा : भरधाव ट्रकने दुचाकीला धडक दिल्याने झालेल्या अपघातात दोन जण गंभीर जखमी झाले. ही घटना केळापूर येथील बस स्थानकाजवळ शनिवारी दुपारी १.३० च्या सुमारास घडली.
अवि विजय पाटील व रोशन बोधनवार दोघेही रा.पांढरकवडा असे जखमींची नावे आहे. दोघेही दुचाकीने रूढा येथून पांढरकवडाकडे येत होते. दरम्यान केळापूर येथे समोरून येणारा आयचर ट्रक एम.एच.३१-डब्ल्यू. ८७७७ याने दुचाकीला धडक दिली. यात ते दोघेही गंभीर जखमी झाले. जखमींना उपजिल्हा रूग्णालयात दाखल करण्यात आले. नंतर त्यांना येथून पुढील उपचारासाठी यवतमाळला हलविले.(शहर प्रतिनिधी)