शहरं
Join us  
Trending Stories
1
RCBच्या रोमहर्षक विजयानंतर विराट कोहली रडला अन् अनुष्का शर्माही... Video Viral 
2
RCB चा प्ले ऑफमध्ये प्रवेश पक्का; रचीनचा Run Out अन् ड्यू प्लेसिसच्या स्टनर कॅचने फिरला सामना 
3
प्रज्वल रेवण्णांच्या अडचणीत वाढ, ब्लू कॉर्नर नोटीसनंतर अटक वॉरंट जारी
4
आग्र्यात बूट व्यावसायिकांच्या घरावर छापा, सापडलं कोट्यवधींचं घबाड; नोटांचे बंडल पाहून अधिकारीही चक्रावले
5
आम्ही भाजपावाले आहोत, आम्हाला घाबरणं माहिती नाही, पाकव्याप्त काश्मीरचा ताबा मिळवणारच- अमित शाह
6
"संविधानाचे रक्षण करणे हेच आमचे ध्येय, कारण...", राहुल गांधींचा भाजपावर हल्लाबोल
7
OUT or NOT-OUT? Faf Du Plessis दुर्दैवीरित्या बाद झाला, अम्पायरच्या निर्णयावर विराट खवळला 
8
"मी उद्या भाजपा कार्यालयात येतोय, तुम्हाला...", विभव कुमार यांच्या अटकेनंतर अरविंद केजरीवाल यांचे नरेंद्र मोदींना आव्हान
9
विराट कोहलीचा भीमपराक्रम! जमला नाही कोणालाच असा विक्रम, ख्रिस गेल याच्याशीही बरोबरी
10
विभव कुमार यांच्या अटकपूर्व जामीन याचिकेवर न्यायालयाचा आदेश; म्हणाले...
11
Ruturaj Gaikwad च्या विकेटवर अनुष्का शर्माचं भन्नाट सेलिब्रेशन जणू जिंकला सामना  
12
विदर्भात विजांच्या कडकडाटासह पाऊस, मुंबईत कशी असणार स्थिती?; असा आहे हवामान अंदाज
13
विमान प्रवास करताना कान दुखतो का? 'या' 5 सोप्या टिप्स फॉलो करा, नक्कीच वाटेल 'रिलॅक्स'!
14
धक्कादायक! पुणे-सोलापूर हायवेवर होर्डिंग कोसळून दोन जण जखमी 
15
"मुंबई बॉम्बहल्ल्यातील आरोपी प्रचारात पाहून बाळासाहेबांच्या आत्म्यालाही वेदना होत असतील"
16
Rohit Sharma अखेर व्यक्त झाला! मुंबई इंडियन्सच्या अपयशाचं खरं कारण सांगितलं, म्हणाला... 
17
निस्वार्थी सुरेश रैना! विराट कोहलीनं सांगितली जगाला माहीत नसलेली Mr. IPL ची गोष्ट, Video 
18
32000 रुपयांचा बँक बॅलन्स, 9 लाखांचे शेअर्स... स्वाती मालीवाल यांच्याकडे किती संपत्ती? जाणून घ्या...
19
Ashok Gehlot : "काँग्रेसचं सरकार असतानाही राम मंदिर बांधलं असतं कारण..."; अशोक गेहलोत यांचा मोठा दावा
20
दादा कोंडकेंच्या 'मुका घ्या मुका' चित्रपटाची अलका कुबल यांना होती ऑफर पण...

प्राथमिक शिक्षणाधिकारी सक्तीच्या रजेवर

By लोकमत न्यूज नेटवर्क | Published: September 01, 2017 9:50 PM

जिल्हा परिषदेच्या प्राथमिक शिक्षणाधिकाºयांना सक्तीच्या रजेवर पाठविण्याचा ठराव सर्वसाधारण सभेत पारित झाला.

ठळक मुद्देजिल्हा परिषद सर्वसाधारण सभेत ठराव पारित : पोषण आहार, शिक्षक निलंबन गाजले

लोकमत न्यूज नेटवर्कयवतमाळ : जिल्हा परिषदेच्या प्राथमिक शिक्षणाधिकाºयांना सक्तीच्या रजेवर पाठविण्याचा ठराव सर्वसाधारण सभेत पारित झाला. या सभेत सदस्यांनी पोषण आहार, शिक्षकांचे निलंबन, बदल्या आदींवरून शिक्षण विभागावर थेट हल्लाबोल केला. त्यामुळे ही सभा प्रचंड वादळी ठरली.जिल्हा परिषद अध्यक्ष माधुरी आडे यांच्या अध्यक्षतेखालील सभेची सुरूवातच शिक्षण विभागापासून झाली. शिक्षण समितीत ठराव घेताना सर्वच अधिकार मुख्य कार्यकारी अधिकाºयांना असल्याचे सांगून शिक्षणाधिकारी सदस्यांची दिशाभूल करतात, असा आरोप सदस्यांनी केला. सर्वच अधिकार सीईओंना असतील, तर सदस्य आणि समित्यांचे कामच काय, असा प्रश्नही त्यांनी केला. अनेक शाळांमध्ये सुविधा नाहीत, लोहारा येथील दोन पाळीतील शाळा एकाच पाळीत कुणाच्या आदेशावरून करण्यात आली, आदी प्रश्नांची सरबत्ती सदस्यांनी केली.हिवरी-अकोलाबजार सर्कलच्या सदस्य रेणूताई शिंदे यांनी अकोलाबाजार येथील शाळेचे वास्तव मांडले. यांनी या शाळेत चक्क एक्सपायरी झालेल्या साहित्याची खिचडी विद्यार्थ्यांना दिले जाते, असा आरोप केला. त्याची सत्यता पटवून देण्यासाठी त्यांनी चक्क एक्सपायरी डेट उलटलेल्या काही साहित्याचे पुडेच सभागृहात सादर केले. त्यात मसाल्याच्या पाकिटवर चक्क दहा महिन्यांपूर्वीची एक्सपायरी डेट होती. तोच मसाला अद्याप खिचडीत वापरण्यात येत असल्याचे त्यांनी स्पष्ट केले.अकोलाबाजार शाळेतील स्वयंपाकगृहात प्रचंड अस्वच्छता असल्याचा आरोप रेणूताई शिंदे यांनी केला. तेथील खिचडी बणविण्याचे गंज जंगलेले आहेत. इतर भांडी अत्यंत अस्वच्छ असल्याचे आढळले, असा घणाघात त्यांनी केला. त्यावर शिक्षणाधिकारी निरूत्तर झाल्या. मुख्य कार्यकारी अधिकारी दीपक सिंगला यांनी याप्रकरणी चौकशीचे आदेश दिले.अशोक कठाणे नामक शिक्षकाच्या निलंबनाचा मुद्दा यावेळी उपस्थित झाला. त्यांच्याविरूद्ध पोलिसांनी अहवाल मागूनही का दिला गेला नाही. त्यांना तीन वर्षे निलंबित ठेवून मानसीक व आर्थिक त्रास का देण्यात आला. यात शिक्षणाधिकाºयांची चूक असून तुम्ही राजीनामा द्या, अशी मागणी सदस्यांनी शिक्षणाधिकाºयांना केली. तसेच त्यांना सक्तीच्या रजेवर पाठविण्याचा ठराव सभागृहात पटलावर ठेवला. त्यांची बदली होईपर्यंत अधिकार गोठवावे, अशी मागणीही लावून धरली. त्यामुळे अध्यक्षांनी अखेर १० मिनीटांसाठी सभा तहकूब केली. नंतर सभा पुन्हा सुरू होताच शिक्षणधिकाºयांना सक्तीच्या रजेवर पाठविण्याचा ठराव पटलावर ठेवण्यात आला. तो पारित झाल्याचे अध्यक्षांनी घोषित केल्यानंतरच सभागृहातील वादळ शांत झाले.१० मिनिटांच्या नावाखाली एक तास तहकूबअध्यक्षांनी केवळ १० मिनीटांसाठी सभा तहकूब केली. तीसुद्धा एका सदस्याच्या मागणीवरून. मात्र १० मिनीटांऐवजी चक्क एक तास सभा तहकूब राहिली. तोपर्यंत अध्यक्षांच्या दालनात सर्व पदाधिकारी व काही सदस्यांची याच मुद्यावरून चर्चा सुरू होती. तेथे सीईओंनाही पाचारण करण्यात आले. नंतर प्रथम सीईओ परतले. त्यानंतर पदाधिकारी अन् अध्यक्ष परतल्या. परिणामी एक तासाने तहकूब सभा पुन्हा सुरू झाली. यात मनरेगामधील अपहार, सदस्यांना वाढीव मानधन, विद्यार्थ्यांची शिष्यवृत्ती, मुख्याध्यापकांनी केलेली अफरातफर, जनावरांच्या शेडसाठी वाढीव निधी आदींवरून वादळी चर्चा झाली.