Yavatmal News | Latest Yavatmal News in Marathi | Yavatmal Local News Updates | ताज्या बातम्या यवतमाळ | यवतमाळ समाचार | Yavatmal Newspaper

आरक्षण : धनगर समाजयवतमाळ : राज्य घटनेच्या तरतुदीनुसार धनगर समाजाला अनुसूचित जमातीचे आरक्षण द्यावे या प्रमुख मागणीसाठी धनगर समाज आरक्षण कृती समितीच्यावतीने जिल्हाभर रस्ता रोको करण्यात आला. यवतमाळ येथील बसस्थानक चौकात करण्यात आलेल्या रस्ता रोकोने वाहनाच्या लांब रांगा लागल्या होत्या. तर पुसद तालुक्यातील खंंडाळा येथे टायर पेटवून रस्ता रोको करण्यात आला.धनगर समाजाला अनुसूचित जमातीमध्ये समाविष्ठ करावे यासाठी राज्यभर धनगर समाज बांधव आंदोलन करीत आहे. त्याचाच एक भाग म्हणून जिल्ह्यात ठिकठिकाणी रस्ता रोको करण्यात आला. यवतमाळ शहरासह पुसद, शेंबाळपिंपरी, खंंडाळा, उमरखेड, महागाव, बाभूळगाव, आर्णी आदी ठिकाणी चक्काजाम करण्यात आला.यवतमाळ येथे आंदोलकांनी विधानसभा उपाध्यक्ष प्रा. वसंतराव पुरके, सामाजिक न्यायमंत्री शिवाजीराव मोघे यांच्या निषेधाचे नारे लावले. यावेळी पोलिसांनी आंदोलनकर्त्यांना स्थानबद्ध केले. नंतर त्यांची सुटका करण्यात आली. पुसद येथील सुधाकरराव नाईक यांच्या पुतळ्याजवळ चक्काजाम करण्यात आला. तर बाभूळगाव येथे बसस्थानक चौकात तब्बल दीड तास वाहतूक रोखून धरली. (लोकमत चमू)

Yavatmal (Marathi News)