Yavatmal News | Latest Yavatmal News in Marathi | Yavatmal Local News Updates | ताज्यबातम्या यवतमाळ | यवतमाळ समाचार | Yavatmal Newspaper

अनियमित बसफेऱ्यांमुळे विद्यार्थी त्रस्तएसटी प्रशासनाचे दुर्लक्ष : आंदोलनाचा इशारातारसा : मौदा-रामटेक मार्गावरील रामटेक आगाराच्या बसफेऱ्या आहेत. या बसफेऱ्या अनियमितपणा व वेळेत नसल्यामुळे परिसरातील विद्यार्थ्यांचे शैक्षणिक नुकसान होत आहे. अनेक ठिकाणी बसेस थांबा देत नसल्याची विद्यार्थ्यांची ओरड आहे. या अनियमित बसफेऱ्यामुळे विद्यार्थी त्रस्त असून, याकडे एसटी महामंडळ प्रशासनाचे दुर्लक्ष होत आहे. परिसरातील मार्गात धावणाऱ्या बसेसमध्ये विद्यार्थ्यांची मोठी गैरसोय होते. बसचालक व वाहक विद्यार्थ्यांना शिवीगाळ करीत असल्याचा आरोप काहींनी केला आहे. अनियमित बसफेऱ्यांमुळे त्रस्त विद्यार्थ्यांनी एसटी महामंडळाच्या वरिष्ठ अधिकाऱ्यांना दिलेल्या निवेदनात तीव्र आंदोलनाचा इशारा दिला आहे.या मार्गावरील हजारो विद्यार्थी मौदा शहरात शिक्षणासाठी ये-जा करतात. चाचेर, नेरला, नंदापुरी, नगरधन येथील विद्यार्थ्यांना बसमध्ये जागा मिळत नाही. या समस्येसाठी नेरला येथील सरपंच सत्यफुला कडू व नंदापुरी येथील उपसरपंच मनोज नौकरकर यांनी रामटेक आगारात घेराव घालत विद्यार्थ्यांसह आगार प्रमुखांना समस्येचे निवेदन सादर केले. विद्यार्थ्यांच्या समस्येवर तातडीने तोडगा न काढल्यास रामटेक-मौदा मार्गावर आंदोलन पुकारले जाईल, असा इशारा त्यांनी दिला आहे.अनेकदा प्रवास उशीर झाल्याने विद्यार्थी पालकांना एसटी आली नसल्याचे उत्तरे द्यावी लागतात. या परिसरात बसफेऱ्यांमध्ये अनियमितपणा होत असल्याने विद्यार्थ्यांची मोठी गैरसोय होते. शिवाय, त्यांचे शैक्षणिक नुकसानदेखील होत आहे. एसटीबाबत आगारातील अधिकाऱ्यांशी संपर्क साधल्यास उडवाउडवीची उत्तरे दिली जातात, असेही विद्यार्थ्यांनी सांगितले. शिष्टमंडळात सरपंच सत्यफुला कडू, उपसरपंच मनोज नौकरकर, क्रिष्णा चाफले, धनराज वाघमारे, योगेश गडे, पंजाब चाफले, कुणाल खोब्रागडे, धनराज बंधारे, संदीप नौकरकर, आशिष सत्यमवार, अजय कामे, सुदर्शन नौकरकर आदींचा समावेश होता. (वार्ताहर)

Yavatmal (Marathi News)

दवलामेटी येथे निवृत्ती दिवस ...

कुरेशी समाजाला न्याय द्या ...

कळमेश्वर व मोहपा परिसरातील रस्त्यांची दुरवस्था ...

व्यावसायिक हित जोपासणाऱ्यांत ...

हायकोर्ट : महामार्ग प्राधिकरणच्या मुख्य महाव्यवस्थापकांची ग्वाही ...

अनियमित बसफेऱ्यांमुळे विद्यार्थी त्रस्त ...