एकाच दिवशी ६८ पॉझिटिव्ह

अ‍ॅक्टिव्ह पॉझिटिव्ह रुग्णांची संख्या ३०० झाली आहे. जिल्ह्यात सोमवारी नव्याने ६८ पॉझिटिव्ह रूग्णांची नोंद करण्यात आली. यामध्ये ४० पुरूष आणि २८ महिलांचा समावेश आहे. यामध्ये पांढरकवडा येथील २४ पुरूष आणि १८ महिलांचा समावेश आहे. यवतमाळ शहरातील भोसा रोडवरील संजय गांधीनगरातील एक महिला आणि रोहिदासनगरातील एका पुरूषाचा यामध्ये समावेश आहे. याशिवाय शहरातील इतर भागात ३ पुरूष आणि दोन महिला पॉझिटिव्ह आढळल्या.

ठळक मुद्देपांढरकवडात ४२ : पुसद ७, नेर ३, दिग्रस ३

लोकमत न्यूज नेटवर्क
यवतमाळ : जिल्ह्यात कोरोनाचा प्रकोप प्रचंड वेगाने होत आहे. सोमवारी ६८ कोरोना पॉझिटिव्ह रूग्णांची नोंद करण्यात आली. यामध्ये सर्वाधिक ४२ रूग्ण पांढरकवडा येथील आहेत. तर प्रकृती सुधारल्याने सहा जणांना घरी सोडण्यात आले. सध्या अ‍ॅक्टिव्ह पॉझिटिव्ह रुग्णांची संख्या ३०० झाली आहे.
जिल्ह्यात सोमवारी नव्याने ६८ पॉझिटिव्ह रूग्णांची नोंद करण्यात आली. यामध्ये ४० पुरूष आणि २८ महिलांचा समावेश आहे. यामध्ये पांढरकवडा येथील २४ पुरूष आणि १८ महिलांचा समावेश आहे. यवतमाळ शहरातील भोसा रोडवरील संजय गांधीनगरातील एक महिला आणि रोहिदासनगरातील एका पुरूषाचा यामध्ये समावेश आहे. याशिवाय शहरातील इतर भागात ३ पुरूष आणि दोन महिला पॉझिटिव्ह आढळल्या.
याशिवाय पुसदमध्ये सात, नेरमध्ये ३, दिग्रस ३, कळंब १, उमरखेड २, महागाव १ आणि आर्णीमध्ये दोन रूग्ण पॉझिटिव्ह आढळले. जिल्ह्यात अ‍ॅक्टिव्ह पॉझिटिव्ह रूग्णांची संख्या ३०० वर पोहचली आहे. जिल्ह्यात सुरूवातीपासून आतापर्यंत ८१२ रूग्ण पॉझिटिव्ह आले आहे. त्यापैकी ४८६ जण बरे झाल्याने रूग्णालयातून त्यांना सुटी देण्यात आली आहे. आतापर्यंत जिल्ह्यात २८ मृत्यूची नोंद करण्यात आली आहे. शासकीय वैद्यकीय महाविद्यालयात प्रारंभापासून आतापर्यंत १३ हजार ४०७ नमुने तपासणीसाठी पाठविण्यात आले. यापैकी १२ हजार ७८ रूग्णांचा अहवाल प्राप्त झाला आहे. यातील १३२० अहवाल अप्राप्त आहेत. ११ हजार २६६ रूग्णाचे अहवाल आतापर्यंत निगेटिव्ह आले आहेत.