लोकमत न्यूज नेटवर्कवाशिम : महाराष्ट्र राज्य शैक्षणिक संशोधन व प्रशिक्षण परिषद (विद्या प्राधिकरण), पुणे यांच्यामार्फत प्राथमिक शिक्षण पदविका अभ्यासक्रम (डी.ई.एल.ईडी.) च्या २०१९-२० प्रथम वर्ष आॅनलाईन (शासकीय कोटा) प्रवेशासाठी आॅनलाईन अर्ज भरण्यास २४ जून २०१९ रोजी सायंकाळी ६ वाजेपर्यंत मुदतवाढ देण्यात आली आहे. यापूर्वी ही मुदत १७ जून २०१९ पर्यंत होती.आॅनलाईन प्रवेश अर्ज विषयक सर्व सूचना, प्रवेश पात्रता इत्यादी माहिती महाराष्ट्र राज्य शैक्षणिक संशोधन व प्रशिक्षण परिषद (विद्या प्राधिकरण) च्या या संकेतस्थळावर उपलब्ध आहे. तसेच आॅनलाईन अर्ज भरल्यानंतरचे फेरीनिहाय सविस्तर वेळापत्रकही याच संकेतस्थळावर उपलब्ध असणार आहे, असे महाराष्ट्र राज्य शैक्षणिक संशोधन व प्रशिक्षण परिषदचे संचालक डॉ. सुनील मगर यांनी सांगितले. प्राथमिक शिक्षण पदविका अभ्यासक्रमाच्या प्रथम वर्ष प्रवेशासाठी मिळालेल्या मुदतवाढीत संबंधित उमेदवारांनी आॅनलाईन अर्ज सादर करावे, असे आवाहनही करण्यात आले.
प्राथमिक शिक्षण पदविका अभ्यासक्रमाच्या प्रवेश अर्जास २४ जूनपर्यंत मुदतवाढ
By लोकमत न्यूज नेटवर्क | Updated: June 18, 2019 17:36 IST