------
जिल्ह्यात पोलिसांची संख्या अपुरी
वाशिम : जिल्ह्यातील सर्वात मोठी ग्रामपंचायत असलेल्या शिरपूरसह अनसिंग, आसेगाव, धनज बु. येथील पोलीस स्टेशनमध्ये जनतेच्या सुरक्षेसाठी आवश्यक संख्येत पोलीस कर्मचारी नाहीत. त्यामुळे कार्यरत पोलीस कर्मचाऱ्यांवर कायदा-सुव्यवस्था अबाधित राखताना ताण येत आहे. या ठिकाणी पोलिसांची संख्या वाढविण्याची मागणी होत आहे.
^^^^^^^^
हवामान यंत्र शोभेच्या वस्तू
वाशिम जिल्ह्यातील ३६ महसूल मंडळांत सुमारे चार वर्षांपूर्वी हवामानाच्या माहितीसाठी स्वयंचलित हवामान यंत्र स्थापित करण्यात आले; परंतु हे यंत्र नादुरुस्त झाले आहेत. यामुळे शेतकऱ्यांना या यंत्रांचा काही एक फायदा होत नसल्याचे दिसत असून, आता ही हवामान यंत्रे शोभेच्या वस्तूच ठरल्या आहेत.
----
ग्रामपंचायतींकडून नाल्यांची साफसफाई
वाशिम : पावसाळ्याला सुरुवात झाली असल्याने गावात नाल्यांतील सांडपाण्यामुळे आरोग्याला असलेला धोका लक्षात घेत तालुक्यातील अनेक ग्रामपंचायतींकडून गत आठवडाभरापासून नाल्यांची सफाई सुरू करण्यात आली आहे.
^^^^
पपई पिकावर रोगाचा प्रादुर्भाव
वाशिम : तालुक्यातील धुमका, खंडाळा शिवारात पपईच्या झाडांवर बुरशीजन्य रोगाचा प्रादुर्भाव झाला आहे. शेतकऱ्यांनी याबाबत काळजी घेऊन परिस्थिती गंभीर असल्यास कृषी विभागाचा सल्ला घ्यावा, असे आवाहन तालुका कृषी अधिकारी यांनी मंगळवारी केले.
^^^^^^^^^