नागपूर-औरंगाबाद महामार्गावर अज्ञात वाहनाच्या धडकेत एक ठार

Accident in Washim District : विशाल सुरतकर असे मृतकाचे नाव आहे. 

लोकमत न्यूज नेटवर्ककिन्हीराजा : अज्ञात वाहनाच्या धडकेत एक जण जागीच ठार झाल्याची घटना २६ एप्रिल रोजी दुपारी १ वाजेच्या दरम्यान संजय बन्सीलाल व्यास यांच्या शेताजवळ घडली. विशाल सुरतकर असे मृतकाचे नाव आहे. मंगरूळपीर तालुक्यातील चिखली झोलेबाबा येथील विशाल सुदाम सुरतकर (४०) हा २६ एप्रिल रोजी दुपारी १ वाजता नागपूर औरंगाबाद हा महामार्गाने किन्हीराजावरून शेलुबाजारकडे दुचाकीने (क्र. एमएच ३० जी ४९६६) जात असताना समोरून भरधाव वेगाने जाणार्‍या अज्ञात वाहनाने व्यास यांच्या शेताजवळ दिलेल्या धडकेत विशाल सुरतकर जागीच ठार झाला. मृतकाचा भाऊ दत्ता नंदू सुरतकर यांनी जउळका पोलीस स्टेशनला दिलेल्या फिर्यादीवरून अज्ञात वाहनचालकाच्या विरोधात गुन्हा दाखल करण्यात आला. पुढील तपास ठाणेदार अजिनाथ मोरे यांच्या मार्गदर्शनात स्थानिक पोलीस चौकीचे कर्मचारी ज्ञानेश्वर राठोड, नीलेश घुगे, महिंद्र दाभाडे हे करीत आहेत.