शहरं
Join us  
Trending Stories
1
'शरिया कोर्ट', 'कोर्ट ऑफ काजी'ला कायदेशीर मान्यता नाही; त्यांचे निर्देश बंधनकारक नाहीत: सर्वोच्च न्यायालय
2
मुलगी आयएएस अधिकारी झाली, आनंदोत्सवात वडिलांना ह्रदयविकाराचा झटका
3
युरोपात ब्लॅकआउट! फ्रान्स, स्पेनसह अनेक देशांमध्ये वीजपुरवठा खंडित; विमान, मेट्रोसेवा ठप्प
4
पहलगाम हल्यानंतर जम्मू-काश्मीरमध्ये ट्रेकिंगवर बंदी; पर्यटकांसाठी सूचना जारी...
5
मुंबईकरांचे जगणेच कठीण व्हावे, असाच सत्ताधाऱ्यांचा विचार; बेस्ट दरवाढीवरून आदित्य ठाकरे संतापले
6
आयपॅडमुळे विमानात उडाला गोंधळ, आणीबाणीची परिस्थिती, करावं लागलं एमर्जन्सी लँडिंग, कारण काय? 
7
कर्नाटकचे मुख्यमंत्री सिद्धारामैय्या भर सभेत पोलीस अधिकाऱ्यावर भडकले, मारण्यासाठी उगारला हात, त्यानंतर...  
8
दिल्ली बिहारपासून लांब आहे का? सर्वपक्षीय बैठकीला उपस्थित न राहिल्याने खरगेंचा PM मोदींवर निशाणा
9
यशस्वी जैस्वालकडे सर्वांचं लक्ष, गुजरातविरुद्ध मोलाचा पल्ला गाठणार
10
भाजपने अध्यक्षपदाची निवडणूक पुढे ढकलली; पहलगाम हल्ल्यामुळे घेतला निर्णय
11
ही खिंड आहे पाकिस्तानचं ‘चिकन नेक’, PoKमधील या एंट्री पॉईंटवर भारताने कब्जा केल्यास होईल जबर कोंडी, कारवायांना लागेल लगाम
12
'आता चर्चा नाही, पाकिस्तानशी अखेरची लढाई...', पहलगाम हल्ल्यावरुन फारुख अब्दुल्ला संतापले
13
पहलगाम हल्ल्याबाबत काँग्रेस नेत्यांच्या विधानांवर राहुल गांधी नाराज; मल्लिकार्जुन खरगे समज देणार
14
मुकेश अंबानी यांच्या एका शेअरने मार्केट फिरवलं; बाजाराची जोरदार उसळी; कुठे सर्वाधिक वाढ?
15
जसं त्याला कळलं, आम्ही हिंदू आहोत, त्याने...; लेफ्टिनंटच्या पत्नीचा पहिल्यांदाच खुलासा
16
पर्यटकांच्या सुरक्षेसाठी 'महाराष्ट्र पर्यटन सुरक्षा दल' स्थापना; राज्य सरकारचा निर्णय
17
५०० रुपयांपेक्षा कमी वार्षिक प्रीमियमवर २ लाख रुपयांचा विमा मिळवा, कोण घेऊ शकतो लाभ?
18
Bank of Baroda मध्ये जमा करा १,००,००० रुपये आणि मिळेल ₹१६,१२२ चा फिक्स्ड रिटर्न, पाहा डिटेल्स
19
सीमेवरील तणावादरम्यान भारताचं मोठं पाऊल, राफेल-एम विमानांसाठी फ्रान्ससोबत करार, अशी आहेत वैशिष्ट्ये
20
मोठा खुलासा! पहलगाममध्ये हल्ल्यावेळी लष्कराचा मोठा अधिकारी तिथेच होता; गेटकडे धावणाऱ्या लोकांना रोखले...

मुंबई पोलीस चौकीतून डहाणूतील आदिवासी खलाशी बेपत्ता

By लोकमत न्यूज नेटवर्क | Updated: September 11, 2019 23:14 IST

शोध अपयशी : दोन पोलीस ठाण्यातील हद्द गुन्हा नोंदविण्यातील अडसर

अनिरुद्ध पाटीलबोर्डी : डहाणू तालुक्यातील नारायण लक्ष्मण कडू (४५, रा. कोसबाड) हा आदिवासी खलाशी १ सप्टेंबरच्या पहाटे साडेतीनच्या सुमारास भाऊचा धक्का येथील चमार गोदीनजीकच्या पोलीस चौकीतून बाहेर पडला. त्याला दहा दिवस उलटले. मात्र यलो गेट आणि शिवडी पोलीस हे हद्दीच्या प्रश्नावरून तक्रार नोंदवत नसल्याने त्याला शोधण्यात अडथळा येत आहे. हा प्रकार पोलिसांच्या हलगर्जीपणाने झाल्याचा आरोप आदिवासी कुटुंबाने केला आहे. दरम्यान, शोध मोहिमेची जबाबदारी पाड्यावरच्या आदिवासी युवकांनी खांद्यावर घेतली असून अनोळखी शहर, पाऊस आणि मार्गदर्शनाच्या अभावी त्यांना अपयश येत आहे.

हा आदिवासी खलाशी भाऊचा धक्का येथील एका मच्छीमार बोटीवर काम करतो. ३१ आॅगस्टच्या मध्यरात्री तो धक्क्यानजीकच्या परिसरात अन्य तीन साथीदारांसह तत्काळ गावी जाण्याचा हट्ट करीत होता. मात्र मद्यपान केल्याने त्याला सकाळी निघण्याचा सल्ला दिल्यावर त्याने तो फेटाळून लावत वाद घातला. हा प्रकार तेथे गस्त घालणाऱ्या पोलिसांच्या लक्षात आल्याने त्याची रवानगी चमार गोदीनजीकच्या चौकीत केली. तेथे घडला प्रकार सांगितल्यानंतर पोलिसांनी त्यांना सोडण्याचे ठरवले. परंतु नारायणने अन्य साथीदारांसह जाण्यास नकार दिल्यावर, त्याला धक्क्याकडे घेऊन येऊ असे पोलिसांनी सांगितले. १ सप्टेंबरच्या पहाटे साडेतीनच्या सुमारास ते तिघे बाहेर पडले. मात्र बराच वेळ होऊनही साथीदार न परतल्याने त्यांनी चौकी गाठली मात्र तेथून तो बाहेर पडल्याची माहिती मिळताच त्यांनी सायंकाळी ही घटना दूरध्वनीद्वारे कडू कुटुंबियांना दिली.

मात्र तो घरीही न परतल्याने कुटुंबीयांनी २ सप्टेंबरला मुंबई गाठून शोध घेतला. परंतु त्याचा पत्ता लागला नाही. त्यामुळे चौकी गाठून तेथील सीसीटिव्ही फुटेज पाहिले असता, तो तेथून एकटाच बाहेर पडल्याचे पोलिसांनी कुटुंबियांना दाखवले. त्याने केलेले मद्यपान, अनोळखी शहर यामुळे त्याला एकटे सोडण्याऐवजी त्याचे साथीदार, बोटमालक किंवा कुटुंबीयांशी संपर्क साधणे आवश्यक होते. मात्र पोलिसांनी ही खबरदारी न घेतल्यानेच तो गहाळ झाल्याचा आरोप कुटुंबियांनी केला आहे.

याबाबतची तक्र ार नोंदविण्यात यलो गेट पोलीस ठाण्यात गेले असता, ही चौकी शिवडी पोलीस हद्दीत येत असल्याने त्यांनी तेथे तक्रार नोंदवावी, तर यलो गेट हद्दीतून त्यांना ताब्यात घेतल्याने त्यांनीच ही नोंद घेतली पाहिजे अशा पोलिसांच्या हद्दीच्या वादात हे कुटुंबीय सापडले आहे. तर गणेशोत्सवाचे कारण देत मदत करण्याऐवजी बोटमालकही चालढकल करीत असल्याने पाड्यावरचे आदिवासी युवक त्याच्या नातेवाईकांसह या शहरातील रेल्वे स्थानके, सरकारी रुग्णालये तसेच विविध रस्त्यांवर फिरून शोधाशोध करीत आहेत. दिवसभर शोध घ्यायचा, रात्रीची ट्रेन पकडून दीडशे किलोमीटरचा प्रवास करून पाडा गाठायचा, पुन्हा पहाटे शहराची वाट धरायची अशी केविलवाणी धडपड दहा दिवसांपासून सूरू असल्याची माहिती रोहित कडू या आदिवासी युवकाने ‘लोकमत’ला दिली.बेपत्ता खलाशी हा पूर्वी वीटभट्टी मजूर असून पहिल्यांदाच मासेमारी बोटीवर खलाशी म्हणून गेला होता. त्याच्या घरी पत्नी आणि तीन छोटी मुलं आहेत. पोलिसांच्या हलगर्जीपणामुळे तो गहाळ झाला असून हद्दीचा प्रश्न उपस्थित करून पोलिसांनी तक्रार न नोंदवल्याने त्याचा ठावठिकाणा लागलेला नाही. - छगन मेढा, शोध मोहिमेतील आदिवासी युवकया प्रकाराबाबत आपल्याला काही कल्पना नाही. याबाबत माहिती घेऊन आवश्यक त्या सूचना संबंधित पोलीस ठाण्यांना देण्यात येईल.- प्रणव अशोक, प्रवक्ते, उपायुक्त, पोलीस आयुक्तालय