पुलगावचे शासकीय रुग्णालय सील

हायरिस्कमध्ये असलेल्या १७ व्यक्तींना विलगीकरणात ठेवण्यात आले आहे. त्यातील काहींना काहींना वर्र्धा तर काहींना पुलगावात क्वारंटाईन केले. या घटनेमुळे पुलगाव येथील ग्रामीण रुग्णालयाचा बाह्य रुग्ण विभाग व आंतररुग्ण विभाग क्वारंटाईन करण्यात आला आहे. रुग्णांची फरपट न होण्यासाठी वैद्यकीय अधीक्षक डॉ. गोपाल नारळवार यांनी नगर परिषदेच्या शाळेमध्ये बाह्यरुग्ण विभाग सुरू केला आहे.

लोकमत न्यूज नेटवर्क
पुलगाव : येथील शासकीय रुग्णालयातील फार्मासिस्ट कोरोना बाधित आढळून आल्याने आरोग्य यंत्रणेची तारांबळ उडाली असून वर्ध्यावरून ये-जा करणाऱ्या फार्मासिस्टव तिच्याबरोबर आरोग्य यंत्रणेत काम करणाऱ्यांना विलगीकरणात ठेवण्यात आले आहे.
हायरिस्कमध्ये असलेल्या १७ व्यक्तींना विलगीकरणात ठेवण्यात आले आहे. त्यातील काहींना काहींना वर्र्धा तर काहींना पुलगावात क्वारंटाईन केले. या घटनेमुळे पुलगाव येथील ग्रामीण रुग्णालयाचा बाह्य रुग्ण विभाग व आंतररुग्ण विभाग क्वारंटाईन करण्यात आला आहे. रुग्णांची फरपट न होण्यासाठी वैद्यकीय अधीक्षक डॉ. गोपाल नारळवार यांनी नगर परिषदेच्या शाळेमध्ये बाह्यरुग्ण विभाग सुरू केला आहे. येथील आठवडी बाजारात ठोक भाजी विक्रेत्यांचा अहवाल पॉझिटिव्ह आल्याने तो राहत असलेला गांधीनगर परिसर सील करण्यात आला आहे तर त्याच दुकानात काम करणारा युवक पॉझिटिव्ह आल्याने हा परिसर कंटेन्मेंट झोन जाहीर केला असून ५१ घरांतील १५० नागरिकांना क्वारंटाइन करण्यात आले आहे. भाजीविक्रेता आर्वीतील असल्याने पुलगाव मार्केटकडे वळले. त्यामुळे हे संपर्कात आले. परंतु, या सर्व प्रक्रियेत नागरिक मात्र दहशतीत आले आहे.

१७ अहवाल निगेटिव्ह
ग्रामीण रुग्णालयाच्या फार्मासिस्टच्या संपर्कात आलेल्या सतरा नागरिकांचे स्वॅब घेण्यात आले. व ते स्वॅब निगेटिव्ह आल्याची माहिती वैद्यकीय अधीक्षक डॉ. नारळवार यांनी दिली. आठ दिवसांनंतर त्या सर्वांचे पुन्हा स्वॅब घेण्यात येणार असल्याचेही वैद्यकीय अधिकाºयांनी सांगितले. नागरिकांनी प्रशासनाला सहकार्य करण्याचे आवाहन त्यांनी केले.

शेअरिंग वाहन पडले महागात
वर्ध्यावरून आरोग्य विभागातील कर्मचारी व शहरातील मेडीकल दुकानाचे मालक हे एकाच वाहनातून ये-जा करायचे. याच वाहनातील शासकीय रुग्णालयात कार्यरत असलेली फार्मासिस्टचा कोरोना अहवाल पॉझिटिव्ह आल्याने सोबतचे सर्व हायरिस्कमध्ये आहे. त्यांच्यासोबत असणाऱ्या मेडिकल दुकानाच्या संचालिकेलाही विलगीकरणात ठेवण्यात आले आहे. त्यामुळे आरोग्य यंत्रणेच्या कर्मचाºयांसह औषधी दुकानाच्या संचालिकेलाही १४ दिवस विलगीकरणात राहण्याचा फटका बसला.

मुख्यालयी राहण्याचे आदेश धाब्यावर
पुलगावात नोकरीवर असलेले कर्मचारी दररोज ये-जा करतात. जिल्ह्याच्या ठिकाणावरून शिक्षण, आरोग्य, बँक, कृषी, पंचायत आदी विविध विभागात ते जाणे येणे करतात. कोरोनाच्या काळात मुख्यालयी राहण्याचे आदेश असतानाही आदेशाची पायमल्ली होत असल्याचे चित्र आहे. अशा परिस्थितीत शासनाने त्यांना अटकाव करावा, जेणेकरुन विषाणूचा प्रसार होणार नाही. आज विविध उपाययोजना कोविड नियंत्रणासाठी शासनाद्वारे करण्यात येत आहे. पुलगाव या शहराला तीन जिल्ह्याच्या सीमा लागून आहे. त्यामुळे येथून इतर जिल्ह्यात आवागमन करणाºयांची संख्या जास्त आहे.