प्रसिद्ध उर्दू शायर मुनव्वर राणा यांच्या यांच्या घरी चोरीची घटना घडली आहे. मुनव्वर राणा रुग्णालयात दाखल असताना त्यांच्या घरी चोरट्यांनी डल्ला मारला. या चोरीत ४० लाख रुपयांचा ऐवज लंपास करण्यात आला आहे. याप्रकरणी, पोलिस ठाण्यात तक्रार दाखल करण्यात आली आहे. राणा यांना प्रकृती अस्वास्थतेमुळे रुग्णालयात दाखल करण्यात आले होते. त्यामुळे, त्यांचे कुटुंबीयही त्यांची काळजी घेण्यासाठी रुग्णालयातच होते. त्यावेळी, ही चोरीची घटना घडली.
पोलिसांनी दाखल केलेल्या फिर्यादीत, मुन्नवर राणा यांच्या घरी चोरी झाली असून सोन्याच्या दागिन्यांसह ४० लाख रुपयांचा ऐवज चोरट्यांनी पळवून नेल्याचं म्हटलं आहे. चोरी करण्यात आलेले दागिने त्यांची मुलगी फौजिया हिचे होते. एका बॅगमध्ये हे दागिने ठेवण्यात आले असून ती बॅग स्टोअर रुमध्ये होती, असे तक्रारीत म्हटले आहे. याप्रकरणी, पोलिस चोरट्यांचा शोध घेत आहेत. डीसीपी सेंट्रल झोन अपर्णा रजत कौशिक यांनी म्हटले की, चोरांच्या तक्रारीवरुन गुन्हा दाखल करण्यात आला आहे. सीसीटीव्ही फुटेज आणि शेजारील लोकांची चौकशी करुन चोरट्यांचा शोध घेण्यात येत आहे.
दरम्यान, मुनव्वर राणा हे उर्दूचे प्रसिद्ध शायर आहेत. गेल्या काही महिन्यांपासून त्यांची प्रकृती स्वास्थ बिघडले आहे. त्यामुळे, त्यांना रुग्णालयात दाखल करण्यात आले होते. मे महिन्यातही त्यांना प्रकृतीच्या कारणास्तव रुग्णालयात उपचारासाठी ठेवण्यात आले होते.