उन्हाळा आला की, अनेकजण आपल्या मित्रांसोबत किंवा परीवारासोबत फिरायला जाण्याचा प्लॅन करतात. यात अनेकदा काश्मीर, शिमला, उत्तराखंड किंवा इतरही थंड हवेच्या ठिकाणांना प्राधान्य दिलं जातं. पण आज आम्ही तुम्हाला परफेक्ट समर हॉलिडे घालवण्यासाठी एक परफेक्ट डेस्टिनेशनचा पर्याय सांगत आहोत. ते डेस्टिनेशन आहे केरळ राज्यातील कोच्चि. कोच्चि शहरात येऊन तुम्ही तुमच्या सुट्ट्यांचा पुरेपूर आनंद घेऊ शकता. वॉटर अॅडव्हेंचर आणि सीफूडचा मनसोक्त आनंदही तुम्ही इथे लुटू शकता. चला जाणून घेऊया का हे शहर आहे बेस्ट डेस्टिनेशन...
कोच्चिचा सुंदर किल्ला
कोच्चि किल्ला कोच्चि शहराचा महत्वाचा भाग आहे. समुद्रात वसलेल्या या प्राचीन किल्ल्याला एका मजबूत पुलाने जोडले गेले आहे. हे ठिकाण जितकं त्याच्या सुंदरतेसाठी प्रसिद्ध आहे तितकंच तिथे मिळणा-या स्वादिष्ट जेवणासाठीही प्रसिद्ध आहे. या किल्ल्याची सैर तुम्ही पायी आणि सायकलनेही करु शकता. सायकल आणि बाईक इथे तुम्हाला सहज उपलब्ध होतील.
चेराई बीचवरील शांतता
शहरातील गर्दीला वैतागले असाल आणि यातून दूर कुठेतरी शांतता मिळवण्याचा विचार करत असाल तर हे ठिकाण परफेक्ट आहे. इतकेच काय तर तुम्ही इथे वॉटर स्पोर्टचा मनमुराद आनंद घेऊ शकता. चेराई बीच हा कोच्चितील अनेक लोकप्रिय समुद्र किना-यांपैकी एक आहे. हा बीच कोच्चिपासून जवळपास 25 किमी अंतरावर आहे. इथला सुर्योदय आणि सुर्यास्त बघण्यासाठी इथे मोठ्या प्रमाणात गर्दी केली जाते. इथे तुम्हाला वेगवेगळ्या प्रकारचं सीफूड एन्जॉय करता येईल.
सेंट फ्रान्सिस चर्च
सेंट फ्रान्सिस चर्च हे भारतातील पहिलं यूरोपियन चर्च आहे. हे चर्च 1503 मध्ये बांधण्यात आलं होतं. हे चर्च कोच्चि किल्ल्याच्या बाजूलाच आहे. या चर्चबाबत अशी आख्यायिका आहे की, या चर्चमध्ये वास्को द गामा याचा मृतदेह दफन करण्यात आला होता. त्यानंतर चौदा वर्षांनी त्याचा मृतदेह लिस्बोन येथे नेण्यात आला.
मट्टनचेरी महल
मट्टनचेरी महल हे एक डच महल या नावानेही ओळखलं जातं. या महलात वेगवेगळ्या संस्कृतींचं डोळ्यांचं पारणं फेडणारं मिश्रण बघायला मिळतं. हा महल पोर्तुगिजांनी 1555 मध्ये वीर केरळ वर्मासाठी तयार करण्यात केला होता. तो त्यावेळी कोच्चिचा शासक होता.
उन्हाळ्याच्या सुट्टीत मुलांसोबत या 5 ठिकाणांना आवर्जून भेट दया!
मरीन ड्राईव्ह
मुंबई प्रमाणेच कोच्चिमध्येही एक मरीन ड्राईव्ह आहे. दर रविवारी इथे लोक सूर्यास्त बघण्यासाठी मोठी गर्दी करतात.
ज्यू शहर
कोच्चि शहर हे एक प्राचीन ज्यू लोकांची वस्ती आहे. त्यामुळे येथील संस्कृती आणि वास्तूशिल्प पर्यटकांना आकर्षित करतात. हे शहर भारतातील इतर शहरांपेक्षा वेगळं असण्याचं कारण म्हणजे या शहरातील ज्यू लोकसंख्या. इतिहासात सांगण्यात आलं आहे की, ज्यू लोक इथे ईवीस पूर्व 700 मध्ये व्यापार करण्यासाठी आले होते. आणि नंतर येथील संस्कृतीत एकरुप झाले.
अॅडव्हेंचर, सुंदर डोंगर आणि वेगळ्या पदार्थांचा अनुभव देणारं गंगटोक
एर्नाकुलाथाप्पन मंदिर
एर्नाकुलाथाप्पन मंदिर हे भगवाल शिवाला समर्पित करण्यात आलं आहे. हे मंदिर कोच्चितील प्रमुख धार्मिक स्थळांपैकी एक आहे.