पाऊण तास हार्बरचा खोळंबा

प�

��ऊण तास हार्बरचा खोळंबा
कुर्ला स्थानकात लोकलमध्ये बिघाड
मुंबई - लोकल सेवा विस्कळीत होण्याच्या घटना सातत्याने मध्य रेल्वेची मेन लाईन आणि हार्बवर घडत आहेत. सोमवारी संध्याकाळी चार वाजता हार्बरवरील कुर्ला स्थानकात पनवेलकडे जाणार्‍या लोकलमध्ये तांत्रिक बिघाड झाला. ही लोकल जागीच थांबल्याने वाशी, पनवेलच्या दिशेने जाणार्‍या लोकल सेवेचा चांगलाच बोर्‍या वाजण्यास सुरुवात झाली. या लोकलमधील तांत्रिक बिघाड दुरुस्त करण्यासाठी रेल्वेच्या कर्मचार्‍यांकडून प्रयत्न केले जात होते. हा बिघाड दुरुस्त करण्यास तब्बल पाऊण तास लागले. त्यानंतर ही लोकल वाशीला नेऊन रद्द करण्यात आली आणि पुढे सानपाडा कारशेडमध्ये नेण्यात आल्याचे मध्य रेल्वेच्या जनसंपर्क विभागाकडून सांगण्यात आले. या घटनेमुळे पाच लोकल रद्द करण्यात आल्या. तर पंधरा मिनिटे उशिराने लोकल धावत होत्या. काम आटोपून घरी परतणार्‍या प्रवाशांना मात्र त्याचा फटका बसला.