ट्रेकिंगFOLLOW

खंडाळा : छत्रपती शिवाजी महाराजांचे स्वराज्य सह्याद्रीच्या डोंगररांगातील कडेकपारी, घनदाट अरण्य आणि बळकट गड किल्ल्यातून विस्तारले. शिवरायांचा हाच ठेवा प्रत्यक्ष पाहण्याचा ध्यास घेऊन इतिहासाचा वारसा जपण्यासाठी खंडाळा येथील शिवसह्याद्री पायदळ ट्रेकर्सने ऐतिहासिक झेप घेतली. सिंहगड-राजगड-तोरणा-बोराट्याची नाळ-रायगड असा तब्बल ८२ किलोमीटरच्या रानवाटा तीन दिवसांत पादाक्रांत करीत स्वच्छता मोहीम राबविली.खंडाळा येथील शिवसह्याद्री पायदळ ट्रेकर्सने सिंहगड ते रायगड असा अनोखा पायी प्रवास ट्रेकिंगचे नियोजन बांधकाम अभियंता श्रीपाद जाधव यांच्या मार्गदर्शनाखाली केले. यामध्ये ४० शिलेदार सहभागी झाले होते. पहिल्या दिवशी आतकरवाडी मार्गे सिंहगड चढाई करून कल्याण दरवाजाने विंझर गावाकडे उतरले. विंझर ते गुंजवणी पायी प्रवास व पुढे राजगड चढाई करून संजीवनी माचीवरून पालखिंडीत उतरून ३२ किलोमीटरच्या अथक प्रवासानंतर मुक्काम केला. दुसऱ्या दिवशी पाल खिंड ते बुधला माचीवरून तोरणा किल्ला व पुढे कानंद खिंडीत उतरून गेळवणी मार्गे मोहरी गावात सुमारे २६ किलोमीटरचा प्रवास करून मुक्काम करण्यात आला.तिस-या दिवशी मोहरी ते रायलिंग पठार, बोराट्याची नाळ, लिंगाणा किल्ल्याला वळसा घालून पाणेगाव दरीतून उतरून पुढे रायगडवाडी मार्गे रायगड किल्ला चढाई केली. त्यानंतर चित्त दरवाजाने खाली येणे हा सुमारे २४ किलोमीटरचा प्रवास अतिशय दिमतीने पूर्ण केला .तीन दिवसांच्या क्षमतेपेक्षा अधिकचे अंतर असल्याने अंतिम टप्प्यात काहींच्या पायांना फोड तर गुडघ्यांना चमक असताना छत्रपती शिवरायांच्या समाधी दर्शनाची आस बाळगून मोठ्या जिद्दीने हा ट्रेक सदस्यांनी पूर्ण केला. त्यानंतरही स्वच्छता मोहीम राबविण्यात आली.ध्यास स्वच्छतेचा .....गडकोट ट्रेकिंगमधून प्रत्येक गडावर या ग्रुपच्या माध्यमातून सफाई मोहीम राबवली जाते. गडावरील पाण्याच्या रिकाम्या बाटल्या, प्लास्टिक कचरा व इतर कचरा जमा करून तो मोठ्या पिशव्यातून भरून गडाखाली आणला. त्याची योग्य निचरा केला जातो. त्यामुळे स्वच्छतेचा ध्यास घेऊन केलेल्या कामामुळे किल्ल्यांची स्वच्छता राखण्यास मदत होते. छत्रपती शिवरायांच्या पराक्रमी इतिहासाची जाणीव मनामध्ये राहावी तसेच गडकिल्ल्यांची स्वच्छता राहावी, यासाठी ट्रेकिंग मोहिमेचे आयोजन केले जाते. याबरोबर शारीरिक स्थिती मजबूत राहण्यास मदत होते. याशिवाय रोजच्या धावपळीतून वेगळं काही केल्याचा आनंदही मिळतो.- श्रीपाद जाधव, संस्थापक शिवसह्याद्र्री पायदळ ट्रेकर्स

लाईव्ह न्यूज :

भटक्या कुत्र्यांचं करायचं काय?

टॅरिफ.. ट्रम्प.. भारत.. जग

PM नरेंद्र मोदी

जरांगेंचे 'चलो मुंबई'

CM देवेंद्र फडणवीस

धरणं भरली, चिंता मिटली!

लोकमत ई-पेपर

शहरं

मनोरंजन

व्हिडीओ

ट्रेकिंगFOLLOW

Read more

नाशिक : गिर्यारोहकाला पोलिसांनी वाचविले

नाशिक : तब्बल चार तास पांडवलेणींवर अडकलेल्या व्यक्तीची सुटका करण्यात यश

अकोला : अकोटच्या दिव्यांग धीरजने रशियामधील माउंट एलब्रुसवर फडकविला तिरंगा

पुणे : गिरिप्रेमीच्या गिर्याराेहकाने फडकवला माउंट कांग यात्से II शिखरावर तिरंगा

ट्रॅव्हल : सोलो ट्रेकिंग आणि अ‍ॅडव्हेंचर्ससाठी बेस्ट आहे उत्तराखंडमधील 'रूपकुंड'

पिंपरी -चिंचवड : विसापुर किल्ल्यावर अडकलेल्या पर्यटकांची चार तासाने सुखरुप सुटका

पुणे : माउंट कांचनजुंगावर चढाई करणाऱ्या गिर्याराेहकांचे मुख्यमंत्र्यांनी केले काैतुक

महाराष्ट्र : साहसी उपक्रमातील तज्ञमंडळींच्या पुढाकाराने ' महा अ‍ॅडव्हेंचर कौन्सिल 'ची स्थापना..

नाशिक : पांडवलेणीवर अडकलेल्या दोघा युवकांना पोलीस, अग्निशमन दलाने केले रेस्क्यू

नाशिक : विश्रामगडावर मल्हार ट्रेकर्सकडून बीजारोपण