शिवसेनाFOLLOW

Lok Sabha Election 2024 : लोकसभा निवडणुकीसाठी सर्व पक्षांनी जोरदार तयारी सुरू केली आहे. भाजपाविरोधात इंडिया आघाडी केली असून राज्यात महाविकास आघाडी विरोधात महायुती अशी लढत होणार आहे. महायुतीमध्ये जागावाटपावरुन बैठकांचे सत्र सुरू आहे. तर, शिंदे गटातील काही उमेदवार बदलण्यासाठी चर्चा सुरू असल्याचे बोलले जात आहे. शिंदे गटाने लोकसभेसाठी उमेदवारांची पहिली यादी जाहीर केली आहे. या यादीत आठ उमेदवारांची नाव जाहीर केले आहेत, यात राहुल शेवाळे – मुंबई दक्षिण मध्य, संजय मंडलीक – कोल्हापूर, सदाशिव लोखंडे – शिर्डी, प्रतापराव जाधव – बुलढाणा, हेमंत पाटील – हिंगोली, श्रीरंग बारणे – मावळ, राजू पारवे – रामटेक, धैर्यशिल माने – हातकणंगले या उमेदवारांचा समावेश आहे. आमदार कडू-राणांमध्ये पुन्हा जुंपली; थेट अमेरिकेच्या 'डोनाल्ड ट्रम्प' यांच्याशीच तुलनादरम्यान, आता दोन दिवसात शिंदे गट आणखी एक यादी जाहीर करणार असल्याचे बोलले जात आहे. काही जागांवर भाजपाने उमेदवार बदलण्याची मागणी केली आहे. आज दिवसभर मुख्यमंत्री निवासस्थानी 'वर्षा' बंगल्यावर बैठकांचे सत्र सुरू आहे. आज तीन जागांसाठी बैठका सुरू आहेत. नाशिकसाठी हेमंत गोडसे, हिंगोलीसाठी हेमंत पाटीस तर यवतमाळ वाशिमसाठी भावना गवळी या जागांसाठी बैठका सुरू आहेत. या तीन मतदारसंघासाठी बैठकानाशिक, हिंगोली, यवतमाळ-वाशिम या मतदारसंघातील उमेदवार बदला अशी मागणी भाजपाने केली असल्याचे बोलले जात आहे. यावरुन आता बैठकांचे सत्र सुरू आहे. दरम्यान, आता यवतमाळ-वाशिम लोकसभासाठी अर्ज भरण्यासाठी शेवटचे दोन दिवस बाकी आहेत. भावना गवळी यांच्या उमेदवारीवर अजूनही टांगती तलवार आहे. गवळींच्या जागेवर दुसरा उमेदवार देण्यासाठी भाजपाने शिंदे गटावर दबाव आणल्याचे बोलले जात आहे. शिंदे गटातील बडे नेते वर्षा बंगल्यावरवर्षा बंगल्यावर आमदार सुहास कांदे, भाऊ चौधरी यांच्यासह नाशिकचे २० पदाधिकारी आले आहेत. मंत्री दादा भुसे यवतमाळचा दौरा रद्द करुन उशीरा वर्षा बंगल्यावर दाखल होणार असल्याचे बोलले जात आहे. "नाशिकची जागा पारंपारिकरित्या शिवसेनेकडे असताना ही जागा शिवसेनेकडेच राहणार आहे. पहिलं प्राधान्य शिवसेनेला राहणार आहे. ही चर्चा राज्यस्तरीय आहे. मुख्यमंत्री एकनाथ शिंदे या जागेसाठी आग्रही आहेत, अशी प्रतिक्रिया नाशिकचे शिंदे गटाचे खासदार हेमंत गोडसे यांनी दिली.

लाईव्ह न्यूज :

'नीट' पेपरफुटीः अटकसत्र सुरू

PM मोदींचा महत्त्वाकांक्षी दौरा

ट्रम्प चीनला गेले.. परतले..

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

शिवसेनाFOLLOW

Read more

मुंबई : माझे लंडनचे तिकीट वडिलांनी काढले; सामंतांनी दिले पुरावे, पाहा तिकीट किती?

मुंबई : मुंबईत काँग्रेस शिवसेनेच्या तीन जागांवर दावा सांगणार; शिवसेना सोडलेल्या नेत्याचे संकेत

धाराशिव : वैद्यकीय शिक्षणमंत्री, आराेग्यमंत्री राजीनामा द्या; औषधी तुटवड्याविराेधात शिवसेनेचे आंदाेलन

राजकारण : विधानसभा अध्यक्षांचं ठाकरे गटाला उत्तर..मी दबावाखाली येणार नाही | Rahul Narwekar | Shiv Sena

चंद्रपूर : कर्नाटका कंपनी अधिकाऱ्याला मारहाण; शिवसेना जिल्हाप्रमुखासह चौघांना अटक

हिंगोली : अखेर खासदार हेमंत पाटील यांच्याविरुद्ध ॲट्रॉसिटीअंतर्गत गुन्हा दाखल

मुंबई : आता केसरकर यांचाही मुंबई महापालिका मुख्यालयात तळ

मुंबई : ठाकरे गटाचे दोन दिवसांचे अल्टिमेटम! शिवाजी पार्कवरील दसरा मेळाव्यासाठी पुन्हा पत्र

महाराष्ट्र : दसरा मेळाव्याच्या आधीच निकाल लागेल; सुनील राऊतांचे संजय शिरसाट, नितेश राणेंनाही प्रत्यूत्तर

मुंबई : मुख्यमंत्र्यांच्या कार्यकर्तृत्वाने प्रभावित; दोन माजी नगरसेवकांचा शिंदेंच्या शिवसेनेत प्रवेश