नितीन राऊतFOLLOW

गडचिरोली : शासन आपल्या दारी कार्यक्रमात मुख्यमंत्र्यासह दोन उपमुख्यमंत्री गडचिरोलीत येऊन गेले. यावेळी त्यांनी विकासाचे त्रिशूल असल्याचा दावा केला; पण त्रिशूल म्हणणाऱ्यांसाठी जिल्ह्यासाठी आतापर्यंत काय केले, असा सवाल काँग्रेसचे आमदार डॉ. नितीन राऊत यांनी केला.गडचिरोली-चिमूर लोकसभा क्षेत्रासाठी निरीक्षक म्हणून वर्णी लागल्यानंतर डॉ. राऊत यांनी १८ ऑगस्टला प्रथमच शहरात येऊन पदाधिकाऱ्यांशी संवाद साधला. त्यानंतर पत्रकार परिषद घेतली. यावेळी माजी मंत्री अविनाश वारजूरकर, जिल्हाध्यक्ष महेंद्र ब्राम्हणवाडे, गोंदिया जिल्हाध्यक्ष दिलीप बनसोड, लोकसभा समन्वयक डॉ. नामदेव किरसान, माजी आमदार डॉ. नामदेव उसेंडी, आनंदराव गेडाम, पेंटारामा तलांडी, प्रदेश सचिव रवींद्र दरेकर, डॉ. नितीन कोडवते, डॉ. चंदा कोडवते, शहराध्यक्ष सतीश विधाते, युवक काँग्रेस प्रदेश सचिव विश्वजित कोवासे, हसनअली गिलानी उपस्थित होते.यावेळी डॉ. नितीन राऊत म्हणाले, रोजगार, आरोग्य सुविधा असे अनेक प्रश्न प्रलंबित आहेत. भारनियमनामुळे शेतकरी संकटात आहेत, दुर्गम भागात शाळांमध्ये शिक्षक नाहीत. मेडीगड्डा धरणाच्या बॅकवॉटरमुळे शेती उद्ध्वस्त होत आहे, याकडे राज्यकर्त्यांचे दुर्लक्ष असल्याची टीका त्यांनी केली. मणिपूर घटनेच्या पार्श्वभूमीवर गडचिरोलीतही महिला सुरक्षेकडे लक्ष देण्याची आवश्यकता असल्याची टिपण्णी त्यांनी केली.शरद पवारांना पूर्ण सहकार्यशरद पवार यांच्या हालचालींवर काँग्रेसचे लक्ष असून त्यांनी भूमिका स्पष्ट करावी, असे डॉ.नितीन राऊत यांनी दोन दिवसांपूर्वी चंद्रपूर येथे म्हटले होते. त्यानंतर बीडच्या सभेत शरद पवार यांनी भाजपविरोधी भूमिका जाहीर केली, याविषयीच्या प्रश्नावर डॉ.नितीन राऊत यांनी शरद पवार हे भाजपविरोधी इंडिया घटक पक्षाचे प्रमुख नेते असून त्यांना काँग्रेस पूर्ण सहकार्य करणार असल्याचे स्पष्ट केले.उमेदवार स्थानिकच पण...काँग्रेस लोकसभेची उमेदवारी कोणाला देणार की बाहेरुन आयात करणार, या प्रश्नावर डॉ.राऊत यांनी उमेदवार स्थानिकच देऊ, असे स्पष्टीकरण दिले. मात्र, याबाबत नंतर तुम्हाला कळेलच असे सांगून त्यांनी भाष्य टाळले. कर्नाटकप्रमाणे राज्यातही मोट बांधू व जिंकू, असा विश्वास त्यांनी व्यक्त केला.

लाईव्ह न्यूज :

भारत-पाकिस्तान युद्धाचे ढग?

मोदी सरकारचा इरादा पक्का

पाकिस्तानचा कांगावा

IPL च्या 'रन'भूमीवरून

UPSC निकालात 'जय महाराष्ट्र'

CM देवेंद्र फडणवीस

एकनाथ शिंदे

शहरं

मनोरंजन

व्हिडीओ

नितीन राऊतFOLLOW

Read more

परभणी : 'संपूर्ण प्रशासन गाफील राहिल्यानेच हिंसाचार; आता पोलिसांची कोम्बिंग ऑपरेशनखाली दहशत

महाराष्ट्र : “छगन भुजबळ महाविकास आघाडीत आले तर स्वागतच”; शरद पवार भेटीनंतर काँग्रेस नेत्याचे विधान

नागपूर : दीक्षाभूमी येथे झालेल्या आंदोलनातील गुन्हे सरकारने मागे घ्यावेत

नागपूर : नागपूर फ्लाइंग क्लब' वर कारवाई करा

मुंबई : दादर रेल्वे स्थानकाचे नाव बदलून चैत्यभूमी करा; काँग्रेस नेत्याची मागणी

नागपूर : समाज कल्याण विभागाच्या वसतिगृहातील प्रवेश प्रक्रिया संशयास्पद

पुणे : लोकशाहीच्या नावाखाली दहशत पसरवण्याचे काम, ४०० जागा हव्यात कशाला ते तरी सांगा- नितीन राऊत

गडचिरोली : विकासाचे त्रिशूल म्हणणाऱ्यांनी गडचिरोलीसाठी काय केले, नितीन राऊत यांचा सवाल

नागपूर : मुकुल वासनिक गुजरातचे प्रभारी, नितीन राऊतांचे नाव पडले मागे

चंद्रपूर : चंद्रपूर लोकसभेच्या आगामी निवडणुकीसाठी काँग्रेस श्रेष्ठींनी मागितला अहवाल