IPL 2021 | Kolkata Knight Rider Team 2021 | News | Players | Official Videos | Fixture | Results | Squad | Photos | Score

कोलकाता, आयपीएल 2019 : ख्रिस लीनच्या 82 धावांच्या खेळीवर चेन्नई सुपर किंग्सच्या इम्रान ताहीरने पाणी फिरवले. ताहीरने कोलकाता नाइट रायडर्सच्या चार प्रमुख खेळाडूंना बाद करत सामन्याचे चित्रच पालटले. त्यामुळे कोलकाताला 20 षटकांत 8 बाद 161 धावा करता आल्या. ताहीरने 4 षटकांत 27 धावा देत 4 विकेट घेतल्या. शार्दूल ठाकूरने दोन विकेट घेतल्या. ख्रिस लीनने कोलकाता नाइट रायडर्सकडून 1000 धावा करण्याचा विक्रम केला. त्याने पहिली धाव घेताच हा पल्ला पार केला. लीनने चेन्नईचा गोलंदाज दीपक चहरच्या दोन षटकांत 22 धावा चोपल्या. त्यानंतर कर्णधार महेंद्रसिंग धोनीने मिचेल सँटनरला गोलंदाजीला आणले. आयपीएलच्या या सत्रात प्रथमच चहरला सलग तीन षटके टाकता आली नाही. सँटनरने कोलकाताच्या सुनील नरीनला बाद करून चेन्नईला पहिले यश मिळवून दिले. नरीन 2 धावांवर माघारी परतला. कोलकाताला पॉवर प्लेमध्ये 1 बाद 49 धावा करता आल्या. त्यात लीनच्या 38 धावा होत्या. लीनने फटकेबाजी करताना 36 चेंडूंत अर्धशतक पूर्ण केले. कोलकाताने 10 षटकांत 1 बाद 77 धावा केल्या. नितीश राणा 11व्या षटकात तंबूत परतला, त्याला इम्रान ताहीरने बाद केले. राणाने 18 चेंडूंत तीन चौकारांसह 21 धावा केल्या. त्यानंतर आलेला रॉबीन उथप्पाही पहिल्याच चेंडूवर बाद झाला. यावेळेही फॅफ ड्यू प्लेसिसने उथप्पाचा झेल टिपला. पण, लीनच्या बॅटीतून धावांचा पाऊस सुरूच राहिला. त्याने संघाला नऊच्या सरासरीने धावा करून दिल्या. रवींद्र जडेजाच्या एकाच षटकात लीनने सलग तीन षटकार खेचले आणि संघाला शंभरी पार करून दिली. लीनचा हा झंझावात ताहीरने रोखला. 15व्या षटकाच्या पहिल्याच चेंडूवर ताहीरने शार्दूल ठाकूरकरवी लीनला झेलबाद केले. लीनने 51 चेंडूंत 7 चौकार व 6 षटकार खेचून 82 धावा केल्या. ताहीरने कोलकाताला आणखी एक धक्का दिला. वादळी खेळी करण्यात तरबेज असलेल्या आंद्रे रसेलला त्याने बाद केले. रसेलला केवळ 10 धावा करता आल्या. कोलकाताच्या 15 षटकांत 5 बाद 133 धावा झाल्या होत्या. 15व्या षटकात ताहीरने ख्रिस लीन आणि आंद्रे रसेल या स्फोटक फलंदाजांना माघारी पाठवले. पण, हे षटक टाकण्यापूर्वी ताहीरने कॅप्टन महेंद्रसिंग धोनीशी चर्चा केली होती. धोनीच्या विश्वासावर खरे उतरताना ताहीरने चेन्नईला यश मिळवून दिले. ताहीरने चार षटकांत 27 धावा देत 4 विकेट घेतल्या.

Kolkata Knight Riders IPL 2021 Live MatchesFOLLOW

Kolkata knight riders, Latest Marathi News

वय वाढताना कधी कधी चुका होतात. त्यात कमीपणा मानण्याचे कारण नाही. स्वत:ला फिट राखणे महत्त्वाचे आहे. ...

धोनी या सामन्यात का खेळला नाही, हे तुम्हाला माहिती आहे का... ...

हा खेळाडू नेमका कोण आहे, तुम्हाला माहिती आहे का... ...

IPL 2019: चेन्नई सुपर किंग्सने इंडियन प्रीमिअर लीगमध्ये आपला दबदबा कायम राखला. ...

IPL 2019 KKR vs CSK: चेन्नई सुपर किंग्सने रविवारी इडन गार्डनवर कोलकाता नाइट रायडर्सवर विजय मिळवला. ...

IPL 2019 KKR vs CSK: ख्रिस लीनच्या ( 82) धावांच्या खेळीवर चेन्नई सुपर किंग्सच्या इम्रान ताहीरने पाणी फिरवले. ...