गोवा ताज्या मराठी बातम्या

लोकमत न्यूज नेटवर्क, मडगाव : होळी सणानिमित्त कोकणात जाणाऱ्या प्रवाशांची होणारी अतिरिक्त गर्दी लक्षात घेता, रेल्वे प्रशासनाने मुंबई आणि कोकणदरम्यान विशेष गाड्या चालवण्याचा महत्त्वपूर्ण निर्णय घेतला आहे. या निर्णयामुळे सणानिमित्त गावी जाणाऱ्या लोकांना मोठा दिलासा मिळाला असून, प्रवासाचे नियोजन करणे सोपे होणार आहे.सीएसएमटी - मडगाव द्विसाप्ताहिक विशेष (०१०४९/०१०५०): मुंबई छत्रपती शिवाजी महाराज टर्मिनस ते मडगाव दरम्यान गाडी क्रमांक ०१०४९ ही विशेष गाडी ३ मार्च आणि ६ मार्च २०२६ रोजी धावणार आहे. ही गाडी मध्यरात्री १२:३० वाजता मुंबईहून सुटेल आणि त्याच दिवशी दुपारी १:३० वाजता मडगावला पोहोचेल. परतीच्या प्रवासासाठी गाडी क्रमांक ०१०५० मडगावहून ३ आणि ६ मार्च रोजी सायंकाळी ४:३० वाजता सुटेल आणि दुसऱ्या दिवशी पहाटे ५:२० वाजता मुंबईत पोहोचेल. या गाडीला एकूण २० डबे असून, त्यामध्ये १८ कोच "३-टियर एसी इकॉनॉमी" श्रेणीचे असतील.एलटीटी मडगाव विशेष (०१०४७/०१०४८) : लोकमान्य टिळक टर्मिनस ते मडगाव दरम्यान ७ मार्च रोजी रात्री १०:१५ वाजता विशेष गाडी (०१०४७) सुटेल. परतीच्या प्रवासासाठी गाडी क्रमांक ०१०४८ मडगावहून ८ मार्च रोजी संध्याकाळी ६:०० वाजता सुटेल. या गाडीत २-टियर एसी, ३-टियर एसी, स्लीपर आणि जनरल असे एकूण २२ डबे असतील. थिरुवनंतपुरम मदार जंक्शन साप्ताहिक विशेष (०६०१३/०६०१४): दक्षिण भारतातून येणारी ही गाडी ४ आणि ११ मार्च रोजी थिरुवनंतपुरम येथून सुटेल. ही गाडी कोकणातील चिपळूण, रत्नागिरी, कणकवली आणि सावंतवाडी रोड या प्रमुख स्थानकांवर थांबणार असल्याने कोकणवासियांना याचा मोठा लाभ घेता येईल. या गाडीत २० स्लीपर कोचची सोय करण्यात आली आहे.या सर्व विशेष गाड्या दादर, ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, कणकवली, कुडाळ आणि सावंतवाडी रोड यांसारख्या महत्त्वाच्या स्थानकांवर थांबतील. प्रवाशांनी या विशेष गाड्यांच्या सुविधेचा लाभ घ्यावा, असे आवाहन रेल्वे प्रशासनातर्फे करण्यात आले आहे.

गोवा, मराठी बातम्याFOLLOW

Goa, Latest Marathi News

किर्लवाडा-चिंबल येथील सरकारी हायस्कूलमध्ये 'विज्ञान महोत्सव' ...

गेल्या आठवड्यात दोनापावलाच्या मोर्चावेळी मंत्र्यांना सुरक्षा देण्यात पोलिस कमी पडल्याची सभेत टीका ...

आतापर्यंत २० झाली पूर्ण; युवा वर्गाला स्पर्धात्मक परीक्षेच्या तयारीचे मिळणार मदत ...

प्रभाग फेररचनेसाठी अधिकाऱ्यांची नियुक्ती ...

सुनेत्रा पवार यांची नुकतीच राष्ट्रवादी काँग्रेसच्या अध्यक्षपदी निवड करण्यात आली आहे. ...

प्रवासाचे नियोजन करणे सोपे होणार आहे. ...